Rymer's Foedera with Syllabus
October-December 1397

Sponsor

Institute of Historical Research

Publication

Author

Thomas Rymer (editor)

Pages

17-30

Annotate

Comment on this article
Double click anywhere on the text to add an annotation in-line

Citation Show another format:

'Rymer's Foedera with Syllabus: October-December 1397', Rymer's Foedera Volume 8, pp. 17-30. URL: http://british-history.ac.uk/report.aspx?compid=115120 Date accessed: 22 July 2014.


Highlight

(Min 3 characters)

October–December 1397

Syllabus EntryFoedera Text
Oct. 1. Commission of Robert K. of Scotland to sir William Seneschal of Jedworth, sir John de Romorgny, Adam Forestar, and Patrick de Lumley to appoint a day for meeting on the marches for redress of injuries, and for negotiating a truce. Dunfermline.
O. viii. 17. H. iii. p. iv. 136.
Pro Tractatu Scotiae, de Die & Loco appunctuandis.
An. 21. R. 2. Ex Origine.
Robertus, Dei gratiâ, Rex Scottorum, dilectis & fidelibus suis, Willielmo Senescall de Jedworth, & Johanni de Romorgny, Militibus, ac Adae Forestar, & Patricio de Lumley, Salutem.
Sciatis quòd Nos,
De fidelitate, circumspectione, & industriâ vestris pleniùs confidentes,
Fecimus, ordinavimus, assignavimus, & constituimus, ac Facimus, ordinamus, constituimus, & assignamus Vos Quatuor, Tres, aut Duos vestrûm, Deputatos nostros & Commissarios speciales,
Dantes vobis Quatuor, Tribus, aut Duobus vestrûm plenariam Potestatem ad Tractandum & Concordandum, nomine nostro, cum Ricardo Adversario nostro Angliae, seu cum Deputatis & Commissariis suis, sufficientem Potestatem ad hoc habentibus, tàm super aliquo certo Loco & certo Die, inter Octabas Sancti Hillarii proximò futuras, & Festum Paschae tunc proximò sequens, in Marchiis Regni nostri tenendis, quibus, carissimus Primogenitus noster, David Comes de Carric, ac aliae Notabiles Personae in Comitiva sua,
Quos illuc, pro Reparatione & Reformatione quorumcumque Attemptatorum, Mesprisionum, & Malefactorum, contra formam praesentium Treugarum, per Subditos nostros, ac Subditos ipsius Adversarii nostri, commissorum & perpetratorum, destinare intendimus,
Ac Deputati & Commissarii praefati Adversarii nostri, ex causa praedicta, convenire, ac Colloquium indè habere poterunt & Tractatum, quàm de Numero, statu, & qualitate Personarum, Commissariorum, pro Dieta hujusmodi deputandorum, qui Tractatui hujusmodi, pro parte nostra & ipsius Adversarii nostri, intererunt ex causa supradicta,
Necnon ad Tractandum & Concordandum, cum dicto Adversario nostro, seu Deputatis & Commissariis suis hujusmodi, si necesse fuerit, aut vobis videbitur expedire, super Treugis particularibus, usque ad diem sic limitandum, & per Sex Septimanas, diem illum immediatè sequentes, duraturis,
Et ad Treugas hujusmodi capiendum & firmandum,
Necnon ad omnia alia & singula Tractandum, faciendum, & concordandum, quae circa Praemissa seu eorum expeditionem necessaria fuerint vel etiam oportuna;
Promittentes Nos Ratum, gratum, & firmum habituros quicquid per vos Quatuor, Tres, vel Duos vestrûm, Actum, gestum, seu procuratum fuerit in Praemissis;
Et ideò vobis Mandamus, quòd circa Praemissa diligenter intendatis, & ea faciatis & exequamini in forma praedicta.
In cujus rei Testimonium has Litteras nostras fieri fecimus Patentes, apud Monasterium de Dunfermlyne, primo die Mensis Octobris, Anno Regni nostri Octavo.
Taillefer.
Per ipsum Regem.
Sub Magno Sigillo Scotiae, pendente a caudâ Pergamenae
.
Oct. 2. Indenture between the above-named Scotch commissioners and John Schepey, dean of Lincoln, and sir William Elmham, for the holding of a meeting between the earl of Carrick and the duke of Lancaster at Redenburne, Carham, or Handenstank on March 11. Dunfermline.
O. viii. 17. H. iii. p. iv. 136.
Super dicto Tractatu, Indentura Commissariorum Scotiae.
An. 21. R. 2. Ex Orig.
Yis Indenture,
Made at the Abbey of Dunfermlyn, ye secunde day of the moneth of Octobre, ye Yher of our Lorde, M. CCC. LXXX. and VII,
Betwix Sir William Stewart, Sir John of Remorgny, Knichts, Adam Forstar, and Patrick of Lumle, Sqwiers, Commissares of ye King of Scotlande, on ye ta part, ande Maister John Shepeye Den of ye Cathederal Kirk of Lincoln, Sir William Elmham Knicht, Ambassatairs and Commissares of ye King of Inglande, on the tothir part,
Beris Witnes, Yat it is accordit, betwix ye Commissares beforsayde, throth' verteu of Commissions to yaim giffin of bathe ye Kings (ye qwhilk Commissions ar interchangit) that a day sal be haldin, at one of yir thre places (yat is for to say) Redenburne, Carham, or Handenstank, on Mounday, ye xi day of ye Month of Marche next for to cum, betwix ye Earle of Carrik, and with him, in Commission, a Bishop, Ane Erle, a Baron, Twa Clerks, Twa Bachelers, and a Sqwier, for the partie of Scotlande, and ye Duc of Guynne ande Lancastre, and with him, in Commission, a Bishop, Ane Erle, a Baron, Twa Clerks, Twa Bachelers, and a Sqwier, for ye partie of Inglande (hafande souffisande Pouer, of bath ye Kings, ilkan for his part) for to redresse, and ger be redressit al ye Attemptates and Trespasses, don be See ande be Lande, agayne ye Fourme and ye Teneur of the Trewis, sin the begynnyng of the Trewis, taken at Lollingham, ye Yher of our Lorde M. CCC. LXXX. and VIII. And of al othir Trewes, yat has bene taken syn, and Sworne be bathe ye forsayde Kinges.
Alswa, it is ACCORDIT, yat certification sal be made, thoch Lettres of the Kinge of Inglande, for to be sende to ye King of Scotlande, befor Seynt Nicolas Day nest for to cum, at qwhilk of ye thre places beforwritten hym lik yat ye day sal be holdin.
Alswa, it is ACCORDIT, sin yir gret Lordes sal mete in forthering of ye forsayde Trewes, yt Quiete and Reste sal be, bothe be See and be Lande, to the forsayde day of yair Meting, and Fourty dayes neste folowande; Ande qwha sa dois ony Attemptate or Trespas, for ony caus, agaynes ye Fourme of the Trewes, or yis Accord, betwix yis day, and ye day set of the Meting of ye Lordes, and Fourty days nest eftir, it sal be Amendit, and Redressit, with ye Double, as the Trewis will, befor al uther things; Ande, to the mar sikirnes of the Trewis, qwha sa dose ony Attemptate or Trespas, fra ye xiii day of yis Moneth of Octobre forth, til ye Fourty days be gone, ester ye Meting of ye forsaye Lordes, he sal ryn in forfetur agayns his King richt as he had brokin his Sauf conduyt.
Alswa, it is ACCORDIT, for cause of mar playn and hastie Redresse, yat al ye, of the Kinrik of Scotlande, yat ar Plantif of ony of ye Kings Leges of Inlande, yai sal sende yair Billes indented of yair Playntes to the Castel of Roxburgh, and delivir yaim to the Lieutenant, or the Constable of the Castel, befor Yhole nest commande; ye qwhilk sal resceyve yaim, and sende yaim to ye Conservatairs, or his Deputes, to ger yaim be warnit to finde Borowis, to aper befor the forsayde Lordes at ye forsayde day and place: Ande al yai, of the Kinrik of Inglande, yat ar Plantife, of any of ye Kinges Leges of Scotlande, yai sal sende yair Billes Indentid of yair Playntes to the Abbey of Kelsow, and deliver yaim to ye Abbat, or the Segestayne of the same Abbey, befor Yhole neste commande; yat yai may be sende furth to ye Conservatairs of ye Trewes, or yair Deputes, to ger yaim be Warnit and finde Borowis, to aper befor ye forsayde Lordes, at ye forsayde day and place.
Alswa, it is ACCORDIT, gif it lik to the Wardines of ye Marches on bathe ye Sidis, yat al maner of Prisoners, yat ar takin within ye forsayde Trewis, sal be lettin to Borght, within xviii days next folowande ye Date of yis Accord, on bathe ye twa sydes, til ye forsaide day of Meting of the forsayde Lordes, ande yan to tak sik deliverance as ye Lordes wil ordene; and ye certification of ye Wil of ye Wardenis sal be made, ilkane til othir be ye Wardenis or yair Deputes, within xiv days ester the Date of yis Accorde; Ande gif Certification come fra ye forsayde Wardenis, or yair Deputes, yat it lik yaim that ye Presonners be lettin to Borgh, as it is above writtin, qwha sa stands in ye contrair, and wil notht let yaim to Borgh, he sal ryne his Action and ye Raunson of yat Presoner for ever.
Alswa, for als mekil as ye Trewis has notht bene wele kept, for mony Riotes yat has bene, it is ACCORDIT yat Intercomming sal be betwix ye Royaumes, be ye Men, and ye Subgez of bath ye Royaumes at yair Meting, as the teneur and the fourme of the Trewis asks, notht agayne standande Riotes, na Debates, yat has bene betwix bathe ye parties, befor yis tymis.
In Ye Witnes of al yis things, befor writtin, ye forsayde Commissaries interchangeablely to yis Indenturis has set to yair Selis, ye Day, Yher, and Place beforsayde.
Sub Sigillis Quatuor Commissariorum praedictorum Scotiae (viz.)
Willielmi Stewart,
Johannis Remorgny,
Adae Forestar,
Et Patricii Lumle,
Pendentibus a Caudis Pergamenae.
Oct. 6. The K. desires the abps. of York and Canterbury to denounce ecclesiastical censures against those who transgress the statutes of the present parliament; and to pray for the soul of Thomas duke of Gloucester, who before his death confessed his treasons. Westm.
O. viii. 19. H. iii. p. iv. 137.
De Orando pro Anima Thomae nuper Ducis Gloucestriae.
An. 21. R. 2. Claus. 21. R. 2. p. 1. m. 16. d.
Rex, Venerabili in Christo Patri, R. eadem gratiâ, Archiepiscopo Eborum, Angliae Primati, Salutem.
Quaedam Ordinationes, Judicia, & Statuta, in praesenti Parliamento nostro, de assensu Dominorum, & Magnatum, ac Communitatis Regni nostri Angliae, pro bono ejusdem Regni & Reipublicae facta, vos credimus non latere,
Ad quae tàm Domini Spirituales & Temporales inviolabiliter & inconcussè observanda, in praesentia nostra, vinculo Juramenti sunt astricti,
Ac Praelati & Ordinarii, vestrae & Cantuariensis Provinciarum, Censuras Excommunicationis contra quoscumque, Ordinationibus, Judiciis, & Statutis praedictis Contravenientes, in futurum, expressè vel occultè, Facto, Consilio, vel Favore, solempniter fulminârunt,
Nos,
Volentes Ordinationes, Judicia, & Statuta hujusmodi, in omnibus & singulis suis Articulis, vim gerere & effectum,
Vobis, specialiter rogando, Mandamus, quatinus Censuras Excommunicationis in omnes & singulos, dictis Ordinationibus, Judiciis, & Statutis, de caetero Contravenientes, expressè vel occultè, Facto, Consilio vel Favore, seu contra ea quomodolibet prosequentes, per Suffraganeos, & alios Subditos vestros, quorum interest, fulminari, & ipsos, tanquam Excommunicatos, & in Sententia majoris Excommunicationis involutos, tàm in Ecclesiis Parochialibus, quàm in aliis locis publicis, denunciari demandetis ut est moris,
Ipsos insuper Suffraganeos & Subditos vestros, per Provinciam vestram, exorantes quòd ipsi pro Anima Thomae nuper Ducis Gloucestriae (Qui propter certa Crimina & Proditiones, Enormia, per ipsum, contra Nos & Ligeantiam suam, perpetrata, de quibus, in eodem Parliamento, Appellatus fuit & Rectatus, eadem Crimina & Proditiones, ante Mortem suam, expressè confessus fuit, & Gratiae nostrae humiliter se submisit, quae quidem Confessio in eodem Parliamento nostro publicata fuit & ostensa) in singulis Missis, Suffragiis, Praedicationibus, & Devotionibus suis, per singulas Parochias, infra dictam Provinciam vestram, Orationes devotas specialiter effundentes, & Deum suppliciter exorent & precentur, ut ipse ejusdem Animae, ex sua Clementia, misericorditer propitiaretur; hujusmodi Causam in eorum Praedicationibus & Congregationibus plenariè exprimentes.
Teste Rege apud Westmonasterium, sexto die Octobris.
Per ipsum Regem & Concilium.
Consimile Breve dirigitur
Th. Archiepiscopo Cantuariensi, totius Angliae Primati, sub eadem Data.
Oct. 7. Licence to Walter bp. of Durham to absent himself from parliament after the next parliament to be held at Shrewsbury. Windsor.
O. viii. 19. H. iii. p. iv. 137.
Pro Episcopo Dunolmensi, de Licentia se absentandi a Parliamentis, post proximum Salopiae tenendum.
An. 21. R. 2. Pat. 21. R. 2. p. 1. m. 5.
Rex Omnibus, ad quos &c. Salutem.
Sciatis quòd Nos,
Considerantes tàm grandes Labores & Diligentias, quos, Venerabilis in Christo Pater, Walterus Episcopus Dunolmensis, in Servitio nostro, ante haec tempora, in Cismarinis & Transmarinis Partibus, habuit & sustinuit, quàm magnam Aetatem, qua ad praesens est confractus,
De Gratia nostra speciali & ex certa Scientia nostra Concessimus, pro Nobis & Haeredibus nostris, quantum in Nobis est, eidem Episcopo quòd ipse, pro Termino Vitae suae (post proximum Parliamentum nostrum, apud Villam Salopiae tenendum, plenariè completum) non artetur nec compellatur per Nos, vel Haeredes nsotros praedictos, ad veniendum personaliter ad aliqua Parliamenta vel Concilia nostra, aut dictorum Haeredum nostrorum, quandocumque & ubicumque tenenda vel celebrant- da, contra voluntatem suam: set quòd idem Episcopus de omnibus hujusmodi Parliamentis & Conciliis se absentare, & in eisdem Parliamentis comparere possit per Procuratores suis, sufficientem Potestatem ab eodem Episcopo habituros ad Consentiendum, de tempore in tempus, omnibus hiis, quae in dictis Parliamentis fieri contigerit, adeo plenè & integrè sicut idem Episcopus faceret si ibidem in propria Persona sua interesset,
Eo quòd praefatus Epicopus, ratione Temporalium Episcopatis sui, ad singula Parliamenta, de tempore in tempus, venire debet, ac tenetur, & obligatur, juxta modum & consuetudinem Regni nostri Angliae, non obstante:
Nolentes quòd idem Episcopus, praetextu Absentiae, aut non adventûs sui ad hujusmodi Parliamenta & Concilia nostra, per Nos, vel Haeredes nostros praedictos, aut Ministros nostros, seu eorumdem Haeredum nostrorum quoscumque, futuris temporibus, impetatur, inquietetur, occasionetur, molestetur in aliquo seu gravetur.
In cujus &c.
Teste Rege apud Castrum de Wyndesore, septimo die Octobris.
Per Breve de Privato Sigillo.
Oct. 14. The K. orders Thomas duke of Norfolk, captain of Calais, to deliver the body of the duke of Gloucester, who died in prison at Calais Castle, to Richard Maudeleyn, to be given by him to Eleanor the Duke's widow, for burial in Westminster Abbey. Westm.
O. viii. 20. H. iii. p. iv. 137.
De Corpore Thomae nuper Ducis Gloucestriae deliberando.
An. 21. R. 2. Claus. 21. R. 2. p. 1. m. 18.
Rex, dilecto Consanguineo & Fideli suo, Thomae Duci Norffolciae, Capitaneo Villae suae Calesii, & ejis Locum tenenti, Salutem.
Mandamus vobis quòd Corpus, Thomae nuper Ducis Gloucestriae, qui nuper, dùm in Prisona nostra, infra Castrum Villae praedictae, sub Custodia vestra, de Mandato nostro, fuit, Diem suum clausit extremum, dilecto Cerico nostro, Richardo Maudeleyn, sine dilatione aliqua, deliberetis,
Ad Corpus praedictum Alianorae, quae fuit Uxor praedicti Ducis, sive ejus in hac parte Attornato, liberandum, & infra Regnum nostrum Angliae ducendum, & in Ecclesiâ Abbatiae beati Petri Westmonasteriensi sepeliendum;
Et hoc nullatenus omittatis.
Teste Rege apud Westmonasterium, decimo quarto die Octobris.
Per ipsum Regem.
Oct. 14. Restitution of the temporalities to John Depyng, bp. of Waterford and Lismore, vacant by the death of Thomas Sparkefort. Westm.
O. viii. 20. H. iii. p. iv. 137.
De Restitutione Temporalium.
An. 21. R. 2. Pat. 21. R. 2. p. 1. m. 2.
Rex, Cancellario Terrae nostrae Hiberniae sive Custodi Magni Sigilli nostri in eadem Terra, qui nunc sunt, vel qui pro tempore fuerint, Salutem.
Cùm Dominus Summus Pontifex Ecclesiae Lismorensi & Waterfordensi, in Terra nostra praedicta, per mortem, bonae memoriae, Thomae Sparkeford, ultimi Episcopi ibidem, vacanti[..] de, dilecto nobis in Christo, Johanne Depyng providerit, ipsumque in Episcopum loci illius praefecerit & Pastorum, sicut per Literas Bullatas ipsius Domini Summi Pontificis, Nobis indè directas, nobis constat,
Nos,
Pro eo quod idem Episcopus omnibus & singulis Verbis, in dictis Literis Bullatis contentis, Nobis & Coronae nostrae praejudicialibus, palàm & expressè Renunciavit, & Gratiae nostrae humiliter se submisit, sicut per Instrumentum Publicum, super hoc confectum, plenius poterit apparere, volentes cum eo agere gratiosè,
Cepimus Fidelitatem ipsius Episcopi, & Temporalia Episcopatûs illius, &c. prout in ejusmodi de Restitutione Literis.
In cujus &c.
Teste Rege apud Westmonasterium, decimo quarto die Octobris.
Per Breve de Privato Sigillo.
Et Mandatum est Militibus &c.
Oct. 15. Summons to Roger de Mortimer, earl of Merch, to attend the parliament at Shrewsbury on Jan. 28. Westm.
O. viii. 21. H. iii. p. iv. 137.
De veniendo ad Parliamentum Salopiae tenendum.
An. 21. R. 2. Claus. 21. R. 2. p. 1. m. 17. dors.
Rex, carissimo Consanguineo suo, Rogero de Mortuo Mari Comiti Marchiae, Salutem.
Cùm nuper quoddam Parliamentum nostrum, apud Westmonasterium, diae Lunae proximo post Festum Exaltationis Sanctae Crucis, proximò praeteritum, summoneri fecerimus, & teneri ibidem, cum Praelatis, Proceribus, & Magnatibus Regni nostri Angliae, super arduis Negotiis, Nos, Statum, & Defensionem ejusdem Regni, ac Ecclesiae Anglicanae contingentibus, tractaturis, suumque Consilium, ut est moris, impensuris,
Et quia jam, quibusdam certis de Causis, Nos intimè moventibus, dictum Parliamentum nostrum, de assensu eorumdem Praelatorum, Procerum, & Magnatum, usque ad Quindenam Sancti Hillarii proximò futuram, apud Salopiam, in statu quo tunc fuit, duximus continuandum,
Vobis, in fide & ligeantiâ, quibus nobis tenemini, firmiter injungendo, Mandamus quòd, consideratâ dictorum Negotiorum arduitate, apud Salopiam, in Quindena praedicta, personaliter intersitis, Nobiscum, ac cum Praelatis, Magnatibus, & Proceribus dicti Regni nostri, super Negotiis antedictis ulterius tractaturi, vestrumque Consilium impensuri, & hoc, sicut Nos, & Honorem nostrum, ac Salvationem & Defensionem Regni & Ecclesiae praedictorum, expeditionemque dictorum Negotiorum diligitis, nullatenus omittatis, nè, quod absit, per vestri absentiam, quam aliqualiter excusatam habere nolumus istâ vice, Expeditio Negotiorum nostrorum praedictorum retardetur, seu aliqualiter differatur:
Volumus tamen & vobis Injungimus quod quendam sufficientem Locum tenentem vestrum, in Terra nostra Hiberniae, qui Gubernatinem & Regimen Terrae illius, in vestri absentia, usque Reditum vestrum ad eandem, habere valeat, pro quo respondere volueritis, loco vestri, ante Recessum vestrum de Terra praedicta, omninò deputetis.
Teste Rege apud Westmonasterium, decimo quinto die Octobris.
Per ipsum Regem & Concilium.
Oct. 18. The K. orders Richard Maudeleyn to deliver the body of Thomas late duke of Gloucester to his widow Eleanor, to be buried in Westminster Abbey. Westm.
O. viii. 21. H. iii. p. iv. 138.
De praedicto Corpore, nuper Ducis Gloucestriae recipiendo.
An. 21. R. 2. Ibid. m. 18.
Rex, dilecto Clerico suo, Richardo Maudeleyn, Salutem.
Mandamus vobis quòd Corpus Thomae, nuper Ducis Gloucestriae, in Custodia vestra de Mandato nostro existens, Alianorae, quae fuit Uxor praedicti Ducis, vel ejus in hac parte Attornato, sine dilatione aliqua, deliberetis, ad Corpus praedictum infra Regnum nostrum Angliae ducendum, & in Ecclesia beati Petri Westmonasteriensi Sepeliendum:
Et hoc nullatenus omittatis.
Teste Rege apud Westmonasterium, decimo octavo die Octobris.
Per ipsum Regem.
Oct. 28. Homage done by Nicholas Burgman of Stongonere to the K. of England, who grants him an annuity of 50 marks. London.
O. viii. 21. H. iii. p. iv. 138.
Littera Homagii Nicholai Burgman Decretorum Doctoris.
An. 21. R. 2. Ex Autogr.
Pateat Universis quòd, Serenissimus Princeps ac Dominus meus gratiosissimus, Dominus Richardus, Dei gratiâ, Rex Angliae & Franciae, Dominusque Hiberniae, de Gratia sua speciali, me, Nicholaum Burgman de Stongonere, Magistrum in Artibus, & Decretorum Doctorem, recepit in Consiliarium & Homagialem, fecique desuper Fidelitatem & Homagium dicto Domino meo Regi gratiosissimo in forma debita & consueta (videlicet)
Quòd, exnunc in antea, ero sibi Fidelis, Bonum suum fideliter procurando, Malum suum vitando, & indè, quando mihi constiterit, ipsum etiam havisando & praemuniendo,
Ac omnia alia & singula faciendo, quae & sicud fidelis Consiliarius & Homagialis Domino suo facere tenetur & solet:
Et singula Praemissa, inviolabiliter per me observanda, ego Nicholaus praedictus, constitutus in praesentia Domini mei Regis, in Castro suo Wynsor, bona fide promisi, & ad Sancta Dei Evan- gelia, corporaliter per me tacta, sollempniter juravi, ac etiam promitto & juro per Praesentes,
Excipio tamen, in Praemissis, Magnificos Principes ac Dominos, Dominum Rupertum Seniorem Comitem Palatinum Reni, Sacri Imperii Electorem, Archidapiferum, ac Ducem Bavariae, & Rupertum ejus Filium, eorumque Haeredes, & Ecclesias in quibus sum vel ero Beneficiatus,
Et propterea idem Dominus meus Rex, de Benignitate sua speciali, mihi Nicholao praescripto Concessit, dedit, & assignavit, ad Terminum Vitae meae, in Feodum, & loco Feodi, Pensionem Annuam, Quinquaginta Marcarum Anglicanarum, singulis Annis, in Terminis Paschae & Sancti Michaelis, per aequales Portiones, michi, vel Procuratori meo, seu Nuncio legitimo, Quietantiam meam plenam & sufficientem daturo, in Scaccario Regii Palatii Westmonasteriensis, propè Civitatem Londoniae, realiter & cum effectu, persolvendam, prout haec & alia, in Litteris Regiis, michi gratiosè concessis, pleniùs continentur; Cessantibus fraude & dolo in singulis Praemissis.
In quorum Testimonium Sigillum meum, ex certâ meâ scientiâ, Praesentibus est appensum.
Dat. Londoniae, vicesimâ octavâ Octobris, Anno Domini Millesimo, Trecentesimo, Nonagesimo Septimo.
Oct. 28. Homage done by sir Thapin Knebil, to whom the K. grants an annuity of 50 pounds of English money.
O. viii. 22. H. iii. p. iv. 138.
Littera Homagii Thapini Cubbill Militis.
An. 21. R. 2. Ex Autogr.
Pateat Universis quòd ego Thapinus Knebil Miles, propria in Persona, spontè & deliberato animo, Serenissimo Illustrissimóque Principi & Domino gratiosissimo, Domino Richardo, Dei gratiâ, Regi Angliae & Franciae, Dominóque Hiberniae, Fidelitatem & Homagium feci, ac Juramentum desuper, in praesentia Domini mei Regis, in Castro suo Windsor, ad Sancta Dei Evangelia, corporaliter per me tacta, solempniter praestiti in forma debita & consueta,
Ipsique Domino meo Regi promisi & juravi, promitto & juro per Praesentes, quòd sibi, exnunc in antea, ero Fidelis, suum Bonum fideliter procurando, & Malum suum vitando, ac indè, quando mihi constiterit, ipsum etiam havisando & praemuniendo,
Ac omnia alia & singula faciendo, quae & sicud Vassallus & Homagialis fidelis Domino suo facere tenetur & solet,
Ac etiam contra ipsum, & ejus Regnum & Dominia, nullatenus faciendo, quin ymmo debebo fideliter astare & esse Adjutor, ipsius Stipendio, Sumptibus, & Expensis, ad omnem ejus Requisitionem, ipsumque juvare fideliter contra quoscumque Inimicos sibi injuriantes,
Praeterquam, gratiosissimos Dominos meos, Dominum Rupertum Seniorem Comitem Palatini Reni, Sacri Imperii Electorem, Archidapiferum, ac Ducem Bavariae, necnon Filium suum Rupertum Juniorem Comitem Palatini Reni ac Bavariae Ducem, eorúmque Haeredes, ac omnes alios & singulos, quos praedicti Domini mei gratiosissimi, in Litteris Homagialibus ipsorum, datis Domino meo Regi, exceperunt, quas hic, ex certâ scientiâ, volo haberi pro expressis,
Item excipio Fridericum de Lynygen Comitem, & suos Haeredes,
Et propterea idem Dominus meus Rex, de Gratiâ suâ speciali, mihi Concessit, dedit, & assignavit, ad totam vitam meam, in Feodum, & loco Feodi, Pensionem Annuam Quinquaginta Librarum Monetae Anglicanae, singulis Annis, in Terminis Paschae & Sancti Michaelis, per aequales Portiones, mihi, vel Procuratori meo ad id legitimo, seu Nuncio Quitantiam meam plenam & sufficientem daturo, de Scaccario Domini Regis, realiter & cum effectu, persolvendam, prout haec & alia in Litteris Regiis, mihi gratiosè concessis, pleniùs continentur.
In quorum Testimonium Sigillum meum, ex certâ meâ Scientiâ, Praesentibus est appensum.
Dat. Anno Domini Millesimo, Trecentesimo, Nonagesimo septimo, vicesimâ octavâ die Octobris.
Oct. 28. Homage done by John de Hutzhoren, knt., to whom the K. grants an annuity of 100 marks. London.
O. viii. 23. H. iii. p. iv. 138.
Littera Homagii Johannis de Hutzhoren Militis.
An. 21. R. 2. Ex Autogr.
Pateat Universis quòd ego Johannes de Hutzhoren Miles, propria in Persona, sponte & deliberato animo, Serenissimo Illustrissimoque Principi & Domino Gratiosissimo, Domino Richardo, Dei gratiâ, Regi Angliae & Franciae, & Domino Hiberniae, Fidelitatem & Homagium feci, ac Juramentum desuper, in praesentia Domini mei Regis, in Castro suo Wynsor, ad Sancta Dei Ewangelia, corporaliter per me tacta, solempniter praestiti, in forma debita & consueta, ipsique Domino meo Regi promisi & juravi, promitto & juro per Praesentes, quòd sibi, exnunc in antea, ero fidelis, suum bonum fideliter procurando, & malum suum vitando, & indè, quando michi constiterit, ipsum etiam havisando & praemuniendo, ac omnia alia & singula faciendo, quae & sicud Vassallus & Homagialis fidelis Domino suo facere tenetur & solet, ac etiam contra ipsum & ejus Regnum & Dominia nullatenus faciendo, quin ymmo debebo fideliter astare & esse adjutor, ipsius stipendio, Sumptibus, & Expensis, ad omnem ejus requisitionem, ipsumque juvare fideliter contra quoscumque Inimicos sibi injuriantes,
Praeterquam contra, gratiosissimos Dominos meos, Dominum Rupertum Seniorem, Comitem Palatinum Reni, Sacri Imperii Electorem, Archidapiferum, ac Ducem Bavariae, necnon Filium suum Rupertum Juniorem Comitem Palatinum Reni ac Bavariae Ducem, eorumque Haeredes, ac omnes alios & singulos, quos praedicti Domini mei gratiosissimi in Litteris Homagialibus ipsorum, datis Domino meo Regi, exceperunt, quos hic, ex certâ scientiâ, volo haberi pro expressis,
Item excipio, Venerabilem Patrem & Dominum, Dominum Archiepiscopum Magunturensem, & ejus Ecclesiam,
Et propterea idem Dominus meus Rex, de Gratiâ suâ speciali, michi Concessit, dedit, & assignavit, ad totam Vitam meam, in Feodum, & loco Feodi, Pensionem Annuam, Centum Marcarum Monetae Anglicanae, singulis Annis, in Terminis Paschae & Sancti Michaelis, per aequales Portiones, michi, vel Procuratori meo ad id legitimo, seu Nuncio, realiter & cum effectu persolvendam, prout haec & alia in Litteris Regiis, michi gratiosè concessis, pleniùs continentur,
In quorum omnium Testimonium Sigillum meum, ex certâ scientiâ meâ, Praesentibus est appensum.
Dat. Anno Domini Millesimo, Trecentesimo, Nonagesimo septimo; vicesimâ octavâ die Octobris, in Civitate Londoniensi.
Oct. 28. Homage done by sir John Kamerer, of Dalburg, to whom the K. grants an annuity of 50l. London.
O. viii. 23. H. iii. p. iv. 138.
Littera Homagii Jobannis Kamerrer de Dalburg Militis.
An. 21. R. 2. Ex Autogr.
Pateat Universis quòd ego Johannes Kamerer de Dalburg, propria in Persona, sponte & deliberato animo, Serenissimo Illustrissimoque Principi & Domino gratiosissimo, Domino Richardo, Dei gratiâ, Regi Angliae & Franciae, & Domino Hiberniae, Fidelitatem & Homagium feci, ac Juramentum desuper, in praesentiâ Domini mei Regis, in Castro suo Wynsor, ad Sancta Dei Ewangelia, corporaliter per me tacta, solempniter praestiti in forma debita & consueta, ipsique Domino me Regi promisi & juravi, promitto & juro per Praesentes, quòd sibi, exnunc in antea, ero fidelis, suum bonum fideliter procurando, & malum suum vitando, & indè, quando michi constiterit, ipsum etiam havisando & praemuniendo, ac omnia alia & singula faciendo, quae & sicud Vassallus & Homagialis fidelis Domino suo facere tenetur & solet, ac etiam contra ipsum, & ejus Regnum, & Dominia nullatenus faciendo, quin ymo debebo fideliter astare & esse adjutor, ipsius stipendio, Sumptibus, & Expensis, ad omnem ejus requisitionem, ipsumque juvare fideliter contra quoscumque Inimicos, sibi injuriantes,
Praeterquam, gratiosissimos Dominos meos, Dominum Rupertum Seniorem Comitem Palatinum Reni, Sacri Imperii Electorem, Archidapiferum, ac Ducem Bavariae, necnon Filium suum Rupertum Juniorem Comitem Palatinum Reni ac Bavariae Ducem, eorumque Haeredes, ac omnes alios & singulos, quos praedicti Domini mei gratiosissimi in Litteris Homagialibus ipsorum, datis Domino meo Regi, exceperunt, quos hic, ex certâ Scientiâ, volo haberi pro expressis,
Item excipio Fridericum de Lynynge, & Philippum de Nassauwe, Comites, Philippum Comitem Arsutum, & eorum Haerdes,
Et propterea idem Dominus meus Rex, de Gratiâ suâ speciali, mihi Concessit, dedit, & assignavit, ad totam Vitam meam, in Feodum, & loco Feodi, Pensionem Annuam Quinquaginta Librarum Monetae Anglicanae, singulis Annis, in Terminis Paschae & Sancti Michaelis, per aequales Portiones, mihi, vel Procuratori meo ad id legitimo, seu Nuncio Quitantiam meam plenam & sufficientem durato, de Scaccario Domini Regis, realiter & cum effectu persolvendam, prout haec & alia in Litteris Regiis, mihi gratiosè concessis, pleniùs continentur.
In quorum Testimonium Sigillum meum, ex certâ meâ Scientiâ, Praesentibus est appensum.
Dat. Anno Domini Millesimo, Trecentesimo, Nonagesimo septimo; vicesimâ octavâ die Octobris, in Civitate Londonien.
Oct. 28. Homage done by Frederic de Mitra, to whom the K. grants an annuity of 20 marks. London.
O. viii. 24. H. iii. p. iv. 139.
Litera Homagii Frederici de Mitra Armigeri.
An. 21. R. 2. Ex Autogr.
Pateat Universis quòd ego Fredericus de Mitra Armiger, propria in Persona, sponte & deliberato animo, Serenissimo Illustrissimoque Principi & Domino gratiosissimo, Domino Richardo, Dei gratiâ, Regi Angliae & Franciae, Dominoque Hiberniae, Fidelitatem & Homagium feci, ac Juramentum desuper, in praesentia Domini mei regis, in Castro suo Wynsor, ad Sancta Dei Evangelia, corporaliter per me tacta, sollempniter praestiti in forma debita & consueta,
Ipsique Domino meo Regi Promisi & juravi, promitto & juro per Praesentes, quòd sibi, exnunc in antea, ero fidelis, suum bonum fideliter procurando, & malum suum vitando, & indè, quando mihi constiterit, ipsum etiam havisando & praemuniendo,
Ac omnia alia & singula faciendo, quae & sicud Vassallus & Homagialis fidelis Domino suo facere tenetur & solet,
Ac etiam contra ipsum, & ejus Regnum & Dominia, nullatenus faciendo, quin ymmo debebo fideliter astare & esse adjutor, ipsius stipendio, Sumptibus, & Expensis, ad omnem ejus requisitionem, ipsumque juvare fideliter contra quoscumque Inimicos sibi injuriantes,
Praeterquam contra, Gratiosissimos Dominos meos, Dominum Rupertum Senorem Comitem Platini Reni, Sacri Imperii Electorem, Archidapiferum, ad Ducem Bavariae, necnon Filium suum Rupertum Juniorem Comitem Platini Reni ac Bavariae Ducem, eorumque Haredes, ac omnes alios & singulos, quos praedicti Domini mei gratiosissimi in Litteris Homagialibus ipsorum, datis Domino meo Regi, exceperunt, quos hic, ex certâ Scientiâ, volo haberi pro expressis,
Item excipio Abbatem de Wiszenburgh,
Item Comitem de Lyningen, & Comitem de Feldentze, & Comitem Arsutum, & eorum Haredes,
Et propterea idem Dominus meus Rex, de Gratiâ suâ speciali, mihi Concessit, dedit, & assignavit, ad totam Vitam meam, in Feodum, & loco Feodi, Pensionem Annuam Viginti Marcarum Monetae Anglicanae, singulis Annis, in Terminis Paschae & Sancti Michaelis, per aequales Portiones, mihi, vel Procuratori meo ad id legitimo, seu Nuncio Quitantiam meam plenam & sufficientem daturo, de Scaccario Domini Regis, realiter & cum effectu, persolvendam, prout haec & alia in Litteris Regiis, michi gratiosè concessis, pleniùs continentur.
In quorum Testimonium Sigillum meum, ex certâ Scientiâ, Praesentibus est appensum.
Dat. Anno Domini Millesimo, Trecentesimo, Nonagesimo septimo; Vicesimâ octavâ die Octobris, in Civitate Londoniensi.
Oct. 31. The K. orders Eleanor, widow of Thomas duke of Gloucester, to take the body of her husband to the priory of Bermondsey, notwithstanding his order to take it to Westminster. Westm.
O. viii. 24. H. iii. p. iv. 139.
De Corpore Thomae nuper Ducis Gloucestriae usque Bermondesey ducendo.
An. 21. R. 2. Claus. 21. R. 2. p. 1. m. 24.
Rex Alianorae, quae fuit Uxor Thomae, nuper Ducis Gloucestriae, Salutem.
Licet nuper, per Breve nostrum, Praeceperimus, dilecto Clerico nostro, Richardo Maudeleyn quòd Corpus praedicti Thomae, in Custodiâ suâ de Mandato nostro existens, vobis, vel vestro in hac parte Attornato, sine dilatione aliquâ, liberaret, ad Corpus praedictum, infra Ecclesiam beati Petri Westmonasteriensem Sepeliendum,
Quibusdam tamen certis de Causis, Nos moventibus, vobis Mandamus, firmiter injungentes, quòd Corpus praedictum usque Prioratum de Bermondesey duci faciatis, & Corpus hujusmodi, infra Ecclesiam Prioratûs praedicti, quousque aliud a Nobis habueritis in Mandatis, custodiatis, & custodiri faciatis:
Et hoc, sub Periculo quod incumbit, nullatenus omittatis.
Teste Rege apud Westmonasterium, tricesimo primo die Octobris.
Per ipsum Regem.
Nov. 7. Receipt by the K. for 100,000 francs, part of the Q.'s dowry. Westm.
O. viii. 125. H. iii. p. iv. 139.
De Acquietantia, pro Solutionibus Primi Anni, de Dote Reginae.
An. 21. R. 2. Franc. 21. R. 2. m. 8.
Le Roy a toutz ceux, qui cestes Lettres veront ou orront, Salutz.
Come nostre treschere & tresame Pierre de Fraunce fuist tenuz de paier & bailler a nous, ou nostre certeine Mandement, pur contemplacion del' Mariage, fait entre Nous & Isabelle l'eisne File de nostre dit Piere, Oet Centz Milles Francs d'Or (c'estassavoir) Trois Centz Milles Francs a l'Anel & Solempnisacion du dit Mariage, & Cent Milles Francs, a la fyn de l'An apres ycelle Solempnisacion, & ainsi des lors en avant Cent Milles Francs, de An en An, jesques au plein Paiement d'icelles Oet Centz Milles Francs, la quelle Somme de Trois Centz Milles Francs Nous feurent baillez & paiez, depar nostre dit Pier, par les mayns de Raoul d'Auqtouvill son Esquier, le Quart jour de Novembre, l'An de nostre Regne Vintisme,
Savoir faisons qui Nous avons Rescieu d'icelluy nostre Piere, par les mayns de a ceo comys depar luy, la Somme de Cent Milles Francs, quelle Nous devoit estre paiez a la fyn del' primer An apres la Solempnisacion de dit Mariage,
De la quelle Somme de Cent Milles Francs nous tenons a bien Contentz, paiez, & agreez, & d'icelle Somme, de Cent Milles Francs, pur le Paiement de le Primer An suisdit, Nous Quitons mesme nostre Piere, ses Heirs & Successours, perpetuelment & a toutz jours, sanz ce qui jammes, en temps a venir, Nous, nostre dite Compaigne, ne les Heirs & Successours, de Nous & de Ele, en puissons ascune Chose demander,requirer, ne fair Action ou demande envers nostre dit Pier, ses Heirs & Successours, en quele manere qui ce soit, touchant les Cent Milles Francs, a Nous ensi paiez pur le Primer An suisdit;
Et Promettons, en bone foye, & en Parole du Roy, avoir & tenir, a toutz jours, ferme & Agreable ceste nostre presente Quitance, & contre la Teneure d'icelle non venir, ne fair venir, en quelque manere qui ce soit, en temps a venir.
En Tesmoignance de quele Chose Nous avons fait faire cestes noz Lettres Patentes.
Don. souz nostre Grand Seal, a Westmonstier, le vij jour de Novembre.
Nov. 16. Safe conduct for sir William de Douglas, of Drunlanrig. Westm. Also for James Douglas, lord of Dalkeith. Woodstock. 17 Nov.
O. viii. 25. H. iii. p. iv. 139.
Pro Willielmo de Douglas.
An. 21. R. 2. Scot. 21. R. 2. m. 13.
Rex, per Literas suas Patentes, usque ad Festum Pentecostes proximò futurum duraturas, suscepit in salvum & securum Conductum suum, at etiam in Protectionem, Tuitionem, & Defensionem suas speciales, Willielmum de Douglas, de Drunlanrig de Scotia, Militem, in Regno Regis Angliae existentem, cum Viginti Personis in Comitivâ suâ, unà cum Bonis, &c. ut in similibus de Conductu Literis.
Teste Rege apud Westmonasterium, decimo sexto die Novembris.
Per ipsum Regem.
Consimiles Literas de Conductu habet Jacobus Douglas Dominus de Dalkeith, in Scotia, cum Viginti & Quatuor Personis in Comitivâ suâ, usque ad Festum Sancti Michaelis duraturas.
Teste apud Wodestok, decimo septimo die Novembris.
Per literam ipsius Regis de Signeto.
Nov. 20. Safe conduct for John de Ramorgny and Adam Forester, Scotch ambassadors. Woodstock.
O. viii. 26. H. iii. p. iv. 139.
Pro Nunciis Scotiae.
An. 21. R. 2. Scot. 21. R. 2. m. 12.
Rex, per Literas suas Patentes, usque Festum Paschae proximò futurum duraturas, suscepit in salvum & securum Conductum suum, ac in Protectionem, Tuitionem, & Defensionem suas speciales, Johannem de Ramorgny, & Adam Forester, Nuncios Regis Scotiae, cum Triginta Personis Equitibus in Comitiva sua, in Regnum Regis Angliae veniendo, ibidem morando, & exindè versus partes suas proprias absque perturbatione quacumque, ut praedictum est, redeundo,
Proviso semper quòd ipsi, ad introitum suum quorumcumque Castrorum, Fortalitiorum, seu Villarum Regis firmatarum, praesentes Literas Regis de salvo Conductu Capitaneis, Majoribus, seu Custodibus eorumdem demonstrent,
Et quòd ipsi proditores Regis, abjudicati, seu extra dictum Regnum Regis Angliae Banniti non existant, nec Dampnum aliquod Regi, aut Ligeis suis, infra idem Regnum Regis, inferant ullo modo.
Teste Rege apud Manerium de Wodestok, xx die Novembris.
Per Billam de Privato Sigillo.
Nov. 29. Full pardon for sir Richard le Scrop, an adherent of the duke of Gloucester. Westm.
O. viii. 26. H. iii. p. iv. 139.
Super Adhaesione Duci Gloucestriae de Pardonatione.
An. 21. R. 2. Pat. 21. R. 2. p. 2. m. 19.
Rex, Omnibus Ballivis & Fidelibus suis, ad quos &c. Salutem.
Sciatis quòd,
Cùm, ad Parliamentum nostrum, apud Westmonasterium, primo die Octobris, Anno Regni nostri Decimo, tentum, Thomas nuper Dux Gloucestriae, & Richardus nuper Comes Arundelliae, attrahentes sibi Regiam potestatem, fieri fecerint quandam Commissionem, sub Magno Sigillo nostro, sibi ipsis & aliis, ad eorum Denominationem, directam, ad Gubernationem Nostri & Regni nostri habendam, & dictâ Commissione usifuerint, Jurisdictionem regiam indè super eos capientes,
Quae quidem Commissio praejudicialis fuerit & derogatio Nobis & Coronae nostrae, ac Usurpatio nostrae Regaliae, & Regiae Potestatis.
Et, super hoc, praedicti, Dux & Comes, eorum iniquuum Propositum, & Regiam potestatem, colore dictae Commissionis, continuantes, attraxerint eis Thomam Comitem Warrewicae.
Et ipsi Tres insimul, Manu forti, modo Guerrino, cum magna Potestate & Multitudine Ligeorum nostrorum, Insurrexerint, & apud Haryngey & alibi se congregaverint, & sic cum tali vi ad nostram Praesentiam, in Palatio nostro apud Westmonasterium, venerint,
Et ulterius, plures Ligeos nostros, in diversis partibus Regni nostri, Depraedati fuerint, imprisonaverint, & interfecerint, & alia plura horribilia Facta, prout eis placuit, perpetraverint, contra eorum Ligeantiam, nostrum Statum, & regiam Dignitatem,
Quae quidem Commissio, cum usu & exercitio ejusdem, & Levatio Gentium contra Nos, & eorum Ligeantiam, & nostram Regaliam, sic facta, in praesenti Parliamento nostro, Alta Proditio judicantur, & praedicti, Dux & Comites, tanquam Proditores, indè sint Convicti, prout in Recordo Parliamenti, indè confecto, pleniùs apparet,
Nos,
Volentes, ex nostra Regia Benignitate, Gratiam facere in hac parte,
De Gratia nostra speciali, & ex certa scientia nostra, ac mero motu nostro, & liberâ voluntate, de matura deliberatione, PARDONAVIMUS Richardo Le Scrop Chivaler Sectam Pacis nostrae, & quicquid ad Nos versus ipsum quovismodo pertinet aut pertinere poterit vel deberet occasione dictae Commissionis & Excercitii ejusdem, ac Congregationis, Insurrectionis, Equitationis, Itineris, Depraedationis, Imprisonamenti, Interfectionis & Arsurae, per Ipsum, seu per alios quoscumque de ejus Missione, Mandato, Excitatione, Procuratione vel Abbettamento, in Comitiva praedictorum Ducis & Comitum, vel per ipsum solum, qualitercumque in hac parte factarum sive perpetratarum, & de eo quòd ipse fuit de Assensu, Consilio, Favore, Abbettamento, Convina, Vi, Retinentia, seu Adhaesione praedictorum Ducis & Comitum, in Materiis praedictis vel eorum aliquâ, seu aliquâ parcellâ aut ali- quibus dependentiis earumdem, ac pro omnibus aliis Proditionibus & Mesprisionibus, per ipsum factis & perpetratis in Praemissis, Undè Indictatus, Impetitus, Rectatus, Accusatus, vel appellatus existit, vel esse poterit quoquo modo in futurum,
Et insuper,
De uberiori Gratia nostra volentes, pro securitate ipsius Ricardi, nè ipse, ex Praemissis, seu ex aliquibus aliis Causis quae sequuntur, futuris temporibus, Impetatur, Occasionetur, vel Molestetur, in quantum possumus providere,
De Gratia nostra speciali, ex certâ scientiâ nostrâ, ac mero motu & liberâ voluntate nostris praedictis, REMISIMUS & PARDONAVIMUS, ac omninò, Tenore Praesentium, REMITTIMUS & PARDONAMUS, pro Nobis, & Haeredibus nostris, praefato Richardo Sectam Pacis nostrae, & quicquid ad Nos quoquo modo pertinet, aut pertinere poterit vel deberet, pro omnimodis Proditionibus, Seditionibus, & Insurrectionibus, per ipsum, simul cum comunibus vel aliis quibuscumque, contra Ligeantiam suam, qualitercumque factis, ac etiam Adhaerentiis, Amicitiis, Consiliis, Favoribus, & Auxiliis factis sive praestitis Inimicis nostris quibuscumque,
Ac etiam pro omnimodis Feloniis, Murdris, Raptibus Mulierum, Roberiis, Depraedationibus, Latrociniis, Homicidiis, Incendiis, & aliis Transgressionibus, tàm de Foresta quàm alio modo Malefactis,
Necnon Receptamentis Proditorum, Felonum, Bannitorum, Inimicorum nostrorum quorumcumque, per ipsum, vel per alias Personas de Procuramento, Abbettamento, Assensu vel Covinâ suis, ante haec tempora qualitercumque factis, Regali Potestate seu Jurisdictione sibi assumptâ Auctoritate propriâ, colore Officiciorum suorum, & alio modo quocumque, infra Regnum nostrum Angliae & extra,
Ac etiam pro omnimodis Inobedientiis, Rebellionibus, Amissionibus Civitatum, Villarum, Castrorum, Fortalitiorum, & aliorum Locorum, necnon Maneriorum, Terrarum, & Tenementorum quorumcumque,
Necnon pro Obsidibus & Prisonariis, tàm Regalibus quàm aliis, Obsidibus & Prisonariis quibuscumque, qualitercumque dimissis sive deliberatis, seu pro Evasione eorumdem, Treugis & salvis Conductibus Diruptis & non Observatis ob Defectum & Negligentiam, sive per Assensum vel Praeceptum praedicti Ricardi,
Ac pro omnimodis Venditionibus & Deliberationibus Castrorum, Civitatum, Burgorum, Villarum, Maneriorum, Hamelettorum, Terrarum, Tenementorum, Reddituum & Servitiorum, Obsidum, & Prisonariorum, tàm infra Regnum nostrum praedictum, quàm extra, Inimicis nostris, vel aliis,
Ac etiam pro omnimodis Calumpniis seu impetitionibus, vel Suspitionibus Sigilli nostri Contrafacti, Confracti, vel quoquo alio modo Violati seu Dispecti,
Jurium & proficuorum nostrorum, ut in Wardis, Maritagiis, seu aliis rebus vel proficuis quibuscumque, Concelamentis, seu eorumdem injustis Alienationibus, seu Subtractionibus, falsis & malis Consiliis, Ordinationibus, Forstallariis, Confoederationibus, Conspirationibus, Cambipertiis, Ambidextriis, falsis Alligantiis, falsarum Querelarum Manutenentiis, Falsitatibus, Injuriis, Oppressionibus, Usuris, falsis Chevanciis, Extorsionibus, Collusionibus, falsis Imprisonamentis, & injustis Incarcerationibus Hominum & Subditorum nostrorum, ac aliorum quorumcumque Procurationibus falsorum Indictamentorum, Rasuris sive Besilamentis Rotulorum, Recordorum, Indictamentorum & Praesentationum per Ipsum, seu de ejus Mandato vel Voluntate,
Necnon pro quibuscunque aliis Deceptionibus, Conventiculis, Excessibus, Dampnis, Gravaminibus, Mesprisionibus, Transgressionibus, Negligentiis, Ignorantiis, Defectibus, Dictis, Factis, seu Rebus illicitis seu inhonestis, in praesentibus Literis expressatis vel non expressatis, Nobis, seu alicui de Regno nostro, actis vel illatis.
Et quibuscumque aliis Articulis, contra Nos, Coronam, Magestatem, & Dignitatem nostram regiam, seu in Laesionem regiae Magestatis, Comunem Legem Terrae, Statuta, Ordinationes, Proclamationes, & Inhibitiones, ante haec tempora edita, factis vel attemptatis, quae per ipsum Richardum, quocumque modo, dicuntur, vel dici poterunt, ante haec tempora, fieri vel perpetrari,
Ac etiam pro omnimodis Inobedientiis, Offensis, & Transgressionibus, cuicumque Locum nostrum tenentium, Officiariorum, seu Ministrorum nostrorum, illatis vel factis, ut in Gubernatione, Ductione, Diminutione, Ordinatione seu Missione Hominum ad Arma, Sagittariorum, Marinariorum, & aliorum in Guerris nostris quibuscum- que, seu Perditione, Occisione, seu alio Infortunio, seu malo Eventu, per Defectum, Consilium, seu Improvidentiam ipsius Richardi, aut alio modo quocumque, ipsum contingentibus,
Et pro malo Regimine & Gubernatione Personae, Statûs Regni, Tractatuum, Negotiorum, Proficuorum & Rerum nostrorum, ex Assensu, Consilio, Ordinatione, vel negligentia ipsius Richardi, ubicumque fuerat, infra Regnum nostrum vel extra, dùm idem Richardus erat Senescallus Hospitii nostri, Thesaurarius, vel Cancellarius noster, Ambassator, Conciliarius, Justiciarius pacis, vel alius Officiarius, seu Minister quicumque,
Ac, insuper, pro omnimodis Captionibus, Amissionibus, vel Deliberationibus Navium, Caricarum, Bargearum, Batellorum, & aliorum Vasorum quorumcumque, supra Mare, in Portubus Maris vel alibi, tàm infra Regnum Angliae, quàm extra, & pro omnimodis, Bonis, Rebus, & Catallis, captis vel amissis in eisdem Vasis, seu indè Deliberatis, Morte Hominis, Captione Prisonariorum, Redemptionibus, tàm tempore Guerrae, quàm in tempore Treugarum vel Pacis, aut aliâ hujusmodi Causâ quacumque,
Ac etiam omnimodas Utlagarias, si quae in ipsum, occasionibus praedictis, seu aliquâ eorumdem, fuerint Promulgatae, & quamquam idem Richardus extra Protectionem nostram aliquo modo positus fuerit, & firmam Pacem nostram ei inde concedimus, & ipsum ad Comunem Legem Restituimus,
Pardonavimus, insuper & REMISIMUS, ex certa scientia nostra, ac mero motu & libera voluntate nostris praedictis, pro Nobis, & Haeredibus nostris, eidem Richardo omnimodas Receptiones quorumcumque Munerum, Exenniorum, seu Donorum, de quibuscumque Personis, pro quacumque Causa, receptorum, dùm in aliquo Officio nostro, seu de Concilio nostro, ut praemittitur, fuerat,
Et etiam quascumque Revelationes cujuscumque Consilii nostri, seu Regni nostri,
Necnon quascumque Licentias & Concessiones, per ipsum Richardum factas, de Auro vel Argento, in Plata Massa, vel Moneta, Vasis Aureis vel Argenteis, Armaturis, Artelariis, Bladis, Vino, Lanis, Coriis, Pellibus lanutis, Plumbo, Stanno, Mercimoniis, Victualibus, Equis, & aliis rebus quibuscumque, extra Regnum nostrum Angliae educendis, vel de Villa Calesii alibi ducendis, contra Statuta, Ordinationes, Inhibitiones, Defensiones & Proclamationes, in contrarium facta vel edita,
Ac etiam Inhibitiones & Defensiones, per ipsum factas, de hujusmodi Mercimoniis, Victualibus, & Rebus, a dicto Regno nostro Angliae traducendis, contra Statuta, Ordinationes, Inhibitiones, Defensiones, & Proclamationes hujusmodi,
Ac etiam omnimoda Debita, Compota, Praestita, & Summas Denariorum, Nobis, ex quacumque causa, vel occasione, seu quocumque colore, debitorum,
Ac quaecumque Solutiones, Liberationes, Ordinationes, Assignationes, & Praecepta, per ipsum Richardum de Denariis, Jocalibus, Pannis, & aliis Rebus, in Camera nostra, vel aliàs de Thesauro nostro, in Recepta Scaccarii nostri, Personae cuicumque facta,
Necnon omnimoda Debita & Compota Jocalium & Pannorum, per ipsum Richardum receptorum, vel de Thesauraria nostra sumptorum,
Et de Reventionibus, Exitibus, Redemptionibus, Prisonariis, Civitatum, Castrorum, Burgorum, Villarum, Maneriorum, Hamelettorum, Terrarum, Tenementorum, Reddituum, & Servitiorum quorumcumque, sive fuerit infra Regnum nostrum Angliae, sive extra, quocumque Nomine, Causâ, vel colore censeantur,
Et omnimodas Actiones, Impetitiones, & Demandas Conventionum, Dispositionis, Injunctionis, & Administrationis Thesauri, Bonorum & Catallorum, ac aliarum Rerum seu Negotiorum nostrorum quorumcumque,
Necnon Receptas Custumarum, Subsidiorum, Solutionum, ac Auri & Argenti, per Obligationem, Indenturas, Promissum, Loquelam, Receptam, vel aliter,
Receptorum Exitus, Proventus, Emolumenta, & omnimoda Proficua, Nobis ex quibuscumque Causis, qualitercumque pertinentia,
Et omnimoda Amerciamenta, Fines, Exitus forisfactos, Catalla forisfacta, & omnia alia Debita, Compota, Praestita, vel Onera hujusmodi, undè praedictus Richardus ad praesens oneratus est, vel est onerandus, aut poterit onerari vel impetiri, per Nos, vel Haeredes nostros, aut Justiciarios, Barones de Scaccario, seu alios quoscumque Ministros nostros, & in quacumque Curia nostra, vel Haeredum nostrorum, pro aliquo tempore jam transacto,
Ac etiam omnimodas Actiones, Querelas, & Demandas, quae versus ipsum Richardum, ratione aliquorum Praemissorum, seu ratione aliquarum Impositionum, super Lanas, Coria, Pelles lanutas, seu aliqua alia Mercimonia quaecumque, contra Statuta, Ordinationes, Inhibitiones, & Proclamationes, indè habitas, factarum, undè idem Richardus Impetitus est, seu aliqualiter poterit Impetiri,
Quae quidem omnia & singula supradicta, ac omnia alia quaecumque, quae, per ipsum Richardum, Malitiosè, negligenter, vel incommodè Facta, Transgressa, Acta, Perpetrata, vel quovis modo Mesprisiata, Attemptata, Dicta, vel Conjecturata fuerunt, tàm de tempore quo fuerat in quibuscumque Officiis, Gradibus, vel Statibus Nobiscum, seu pro Negotiis Regni nostri, quàm alio tempore quocumque, & quocumque colore, & quicquid ad Nos indè pertinet aut pertinere poterit, quibuscumque Ratione, causa, vel colore, praefato Richardo REMISIMUS, RELAXAVIMUS, & pro Nobis & Haeredibus nostris IMPERPETUUM, totaliter & integrè, ex certa scientia nostra, ac mero motu & libera voluntate nostris, PARDONAVIMUS, ac Tenore Praesentium, REMITTIMUS & PARDONAMUS,
Nolentes quòd praefatus Richardus, aut Haeredes vel Executores sui, aut Terrarum suarum Tenentes, ratione aliquorum Praemissorum seu alicujus eorumdem, coram Nobis, vel Haeredibus nostris, in Parliamentis nostris, vel Haeredum nostrorum, vel in quibuscumque aliis Locis vel Placeis nostris, coram quibuscumque Judicibus, Justiciariis, Ministris, vel Officiariis nostris, vel Haeredum nostrorum quibuscumque, inde futuris temporibus Impetantur, occasionentur, inquietentur, molestentur in aliquo, seu graventur; set quòd de Praemissis omnibus & singulis penitùs sint QUIETI, ABSOLUTI & EXONERATI IMPERPETUUM; aliquo Statuto seu Ordinatione, in contrarium Praemissorum seu alicujus eorumdem quovismodo factis, non obstantibus;
Ita tamen quòd stet Recto in Curia nostra, si quis versus eum loqui voluerit de Praemissis, seu aliquo Praemissorum.
In cujus &c.
Teste Rege apud Westmonasterium, xxix die Novembris.
Per ipsum Regem.
Dec. 4. Licence to Garnad, ambassador of the K. of Portugal, to export 500 spears. Westm.
O. viii. 29. H. iii. p. iv. 141.
De Hastis traducendis pro Rege Portugalliae.
An. 21. R. 2. Franc. 21. R. 2. m. 8.
Rex, Universis & Singulis Admirallis, &c. Salutem.
Supplicavit Nobis, dilectus nobis, Garnad, Nuncius, Consanguinei nostri, Regis Portugaliae, ut ei Licentiam concedere velimus quòd ipse Quingentas Hastas Lancearum emere & providere, & eas, in portu Civitatis nostrae Londoniae, in Navibus carcare, & eas, sic carcatas, versus partes Portugaliae, extra Regnum nostrum Angliae, ducere possit,
Nos, supplicationi praedictae annuentes, Licentiam illam, Tenore Praesentium, duximus Concedendam;
Et ideò vobis Mandamus quòd ipsum Garnad dictas Quingentas Hastas Lancearum emere & providere, & eas, in Portu praedicto, in Navibus Carcare, & eas, sic carcatas, versus partes praedictas (solutis prius Custumis, Subsidiis, & aliis Deveriis nobis indè debitis) ducere & cariare permittatis,
In cujus &c.
Teste Rege apud Westmonasterium, Quarto Die Decembris.
Per Breve de Privato Sigillo.
Dec. 28. The K. orders Clement Spice, escheator in Essex and Hertford, and Richard Whittington, mayor of London, to deliver to Elianor, widow of Thomas duke of Gloucester, certain goods of the late duke's, to the value of 180l. 18s. Westm.
O. viii. 29. H. iii. p. iv. 141.
Pro Alianora quae fuit Uxor Thomae nuper Ducis Gloucestriae.
An. 21. R. 2. Claus. 21. R. 2. p. 1. m. 1.
Rex, dilecto sibi, Clementi Spice, Escaetori suo in Comitatibus Essexiae & Hertfordiae, Salutem.
Licet nuper,
Dato nobis intelligi quòd Thomas, nuper Dux Gloucestriae, Avunculus noster Defunctus, diversa Praestita, ac alias Pecuniarum Summas de Nobis, diversis vicibus, recepit, unde in Vita sua minimè computavit,
Per Breve nostrum tibi Praeceperimus quòd universa Bona & Catalla, quae fuerunt praedicti nuper Ducis, in Balliva tua, ubicumque & in quorumcumque Manibus & Possessione inveniri possent, in manus nostras capi & seisiri, & ea salvò & securè, absque Dissipatione seu Elongatione eorumdem, custodiri faceres, quousque aliud a Nobis indè haberes in Mandatis,
Ac postmodùm, per aliud Breve nostrum, tibi Praeceperimus quòd omnia Bona & Catalla praedicta, per te sic capta, & in Manum nostram seisita, Thesaurario & Camerario nostris, per Indenturas, indè inter vos debitè conficiendas (Quantitatem & Qualitatem Bonorum & Catallorum hujusmodi, ac Pretium & verum Valorem eorumdem secundum aestimationem, testificantes) Liberares,
Subsequentérque per quandam Commissionem nostram, tibi ac aliis Personis directam, Assignaverimus te ad omnia Bona & Catalla, quae fuerunt praedicti nuper Ducis, Decimo Octavo Die Julii, proximò praeterito & posteà, & quae, ratione Judicii, versus ipsum nuper Ducem, in ultimo Parliamento nostro, redditi, forisfacta existunt, in Manum nostram seisiri faciendum, & Nobis indè ad Scaccarium nostrum respondendum,
Volumus tamen & ex favore regio Concedimus quòd Alianora, quae fuit Uxor praefati nuper Ducis, habeat Liberationem certorum Bonorum & Catallorum, sibi necessariorum, usque ad valorem Centum & Quaterviginti Librarum, & Decem & Octo Solidorum, de Bonis & Catallis praedictis, in manum nostram sic seisiti (quorum Parcella in custodia tua adhuc remanet) pro Denariis ipsius Alianorae, in hac parte, juxta Appretiationem Bonorum & Catallorum hujusmodi indè factam, Nobis, ad certos Terminos, inter Nos & praedictam Alianoram concordatos, fideliter persolvendis,
Et ideò tibi Praecipimus, firmiter injungentes, quòd eidem Alianorae, aut ejus in hac parte Attornato, Bona & Catalla, ad valorem praedictum, de dicta Parcella hujusmodi Bonorum & Catallorum, in custodiâ tuâ sic remanentium, per Indenturas (Quantitatem & Qualitatem dictorum Bonorum & Catallorum sic liberandorum, ac Pretium & verum valorem eorumdem, testificantes) indè inter te & praefatam Alianoram similiter conficiendas, juxta Appreciationem praedictam, sine dilatione aut difficultate aliqua, Liberes;
Volumus enim Te de eisdem Bonis & Catallis, sic liberandis, erga Nos exonerari.
Teste Rege apud Westmonasterium, xxviii Die Decembris.
Per ipsum Regem.
Consimile Breve dirigitur
Richardo Whityngton, Majori Civitatis Londoniae, & Escaetori suo in eadem Civitate.
Dec. 28. Licence to Walter Grendon, prior of S. John of Jerusalem in England, to go to Rhodes. Coventry.
O. viii. 30. H. iii. p. iv. 141.
Pro Priore Sancti Johannis Jerusalem in Anglia de Licentia transeundi.
An. 21. R. 2. Franc. 21. R. 2. m. 7.
Rex Omnibus, ad quos &c. Salutem.
Sciatis quòd Concessimus, & Licentiam Dedimus, Dilecto nobis in Christo, Waltero Grendon, Priori Hospitalis Sancti Johannis Jerusalem, infra Regnum nostrum Angliae, quòd ipse, in Propria Persona sua, versus Hospitale Sancti Johannis Jerusalem, in Insula de Rodes, transire, & ibidem morari, ac Se extra dictum Regnum nostrum, per Tres Annos integros, proximò futuros, absentare possit, absque perturbatione vel Impetitione nostri, vel Officiariorum, vel Ministrorum nostrorum quorumcumque.
In cujus &c.
Teste Rege apud Civitatem de Coventre, Vicesimo Octavo Die Decembris.
Per Breve de Privato Sigillo.