22 January 1584–5.
Thomas Steinsoun [and ten others, found] in the wrang for contravening the statuitis be draving of sparit cartis with full hogheidis inlang
the brig; and siklyk, [five persons] for rowing of full hogheidis and
draving of sparit cartis inlangis the said brig, contrair the tenour of the
statuitis, and dome gewin thairupoun.
20 February 1584–5.
Statuit anent the meill marcat.
The baillies and counsell, being convenit in the counselhows, and
vnderstanding the grite abuse of the meill marcat, hes thairfoir statuit and
ordanit ilk Settirday thair be ane of the counsell chosin to serce the meill
for rubberis on ane owlk, and ilk counsellour his owlk about, and to that
effect to have ane officer with him.
1 June 1585.
Ladle, brig, mills.
[The casualties of the ladle set for a year for £206 13s. 4d., and those of the bridge for
£50; the old town mill set for a year for £50.]
Treasurer, master of work.
[From a leet of six. Robert Boyide chosen treasurer; from a leet of four, David Hall
chosen master of work.]
20 July 1585.
Statuit, Grayfreir port.
In presens of Robert Rowat, baillie, comperit the persounes vnderwrittin, viz., William Herwie, Helene Wrycht [and seven others],
and ar becum actit in this buik, ilk ane of thame for thair awin pertis, of
thair awin proper confessionis, to keip and waird the wikatt att the Grayfieir port that na maner of persoun enter thairatt to pas or repas in or out
except oinly the personis abonewrittin and thair serwandis, under the pane
of fywe pundis for the first falt, the nixt banischment, and that ane kie be
maid to the said wikatt to be kepit all day be the saidis persouns ilk ane
thair day about, and att sewin houris att ewin to be delyuerit to be kepit,
and to be resauit agane on the morning at fyive houris, and to ansuer thairfoir wnder the panis abone writtin.
5 October 1585.
Compeirit Robert, bischope of Glasgow, and nominat, presentit, and
electit the rycht honorable Sir William Lewingstoun of Kilsyth, knycht, in
provest for this yeir to cum; quha wes acceptit and admittit in provest, and
commissioun is ordanit to be maid and geuin to him eftir the form of auld.
[A leet of eight persons having been presented to the archibishop] the
said reuerent father nominat thrie of thame in baillies, viz., Robert Rowat,
Johnne Grhame, Robert Steward.
9 October 1585.
Consilium:—Sir Matho Stewart of Mynto knycht [and thirty-three
others]. Quhilk personis callit and convenit, sworne and admittit. The
rycht honorabill Sir William Lewingstoun of Kilsyithe, knycht, protestit
that the number abone writtin, being by the accustomit number, that the
said number now admittit be nocht preiudiciall to the auncient libertie of
the town in chesing ane resonabill number in tym cuming according to the
number afoir obseruit.
Statutes continewit.; Plage.; Inhabitants departing from town.
The provest, bailleis, and counsall convenit, considiring with thame
selffis the present estait of this toun, standing in perrell and suspicioun of
this present plage, throw the quhilk the said provest and bailleis and
counsall can nocht nor may nocht proceid to the making of thair statutis
anent the pryces of all vivouris within this toun and vther thingis concerning this commoun welthe, thairfoir the said provest bailleis and
counsall hes with ane consent continewit the last yeiris statutis in the same
forme, force, and effect as thai ar maid, buikit, and procleamit, and conforme to the auld pryces, and ordanis the same to be obseruit conforme to
the tennour thairof quhill thai tak forder ordour. And forder the said
provest baillies and counsall considdiring that diuers and sindrie the comburgessis and inhabitantis of this toun ar depertit and left the toun and
thair awin houssis, and neuertheles way haif haunt and triffique in vther
suspect places, and in thair returning may bring with thame greit inconvenientis to this toun, thairfoir it is statute and ordanit that all the foirsaid
personis quha hes depertit or ar to depert of this toun with thair wyiffis and
barnis thair names be tane vpe and writtin be the quartermaister and
registrat in thir buikis, and ordanis that nane of thame be admittit within
this toun agane without thai bring with thame sufficient testimoniall
testifeing quhair thai haif bene sen thair passing out of this toun, quhat
hes bene thair tred and traffique sensyne, and att the descretion of the said
provest and bailleis and counsall to be resavit and debarrit.
Liners, keepers of keys.
[Ten liners and six keepers of keys appointed.]