Extracts from the records
1623

Sponsor

Institute of Historical Research

Publication

Author

J. D. Marwick (editor)

Year published

1914

Supporting documents

Pages

340-341

Citation Show another format:

'Extracts from the records: 1623', Extracts from the Records of the Burgh of Glasgow vol. 1: 1573-1642 (1914), pp. 340-341. URL: http://british-history.ac.uk/report.aspx?compid=47702 Date accessed: 25 October 2014.


Highlight

(Min 3 characters)

30 September 1623.

Provest electit.

In the counsalhous being convenit James Hammiltoun, provest, Gabriel Cunyngham, Thomas Morsone, John Rowat, baillies, Mathow Turnbill, [and sixteen others.] The saidis provest, baillies, and counsall, being convenit, comperit Andro Bosuell, servitour to the rycht reverend father in God James archibischop of Glasgow, and producit ane lettere direct fra his lordschip to thame, desyring thame for the respectis thairin contenit to ressave and admit Gabriel Cunynghame, ane of thair baillies, to be provest for the yeir to cum, [and he was admitted accordingly].

Bailies,

[From a leet of nine, the archbishop nominated] Johnne Rowat, John Cunyngham and Walter Douglas to be baillies for the yeir to cum.

3 October 1623.

Consilium.

In the counsalhous being convenit Gabriel Cunyngham, provest, James Hamiltoun, lait provest, Johnne Rowat, John Cunninghame, Walter Douglas, baillies, and Thomas Morsone, lait baillie, for chuising and electing of the persones vnderwrittin vpoun counsale for the yeir to cum, viz.:—Merchandis, James Hammiltoun [and twelve others;] craftis, Thomas Morsone [and eleven others.]

4 October 1623.

Bursarie, Hammiltoun.

The provest, baillies, and counsall, convenit, hes grantit to John Hamiltoun, sone laufull to maister Robert Hamiltoun, the first vacand place of bursarie within the colledge of Glasgow at thair gift and presentatioun.

Actis and statutis continewit.

The provest, baillies, and counsall hes, for sindrie gude respectis, continewit thair statutis anent the aill, beir, and breid, quhill this day fyftein dayis, and als the remanent actis quhill this day aucht days.

8 October 1623.

Dean, deacon, visitor and treasurer elected.

[From a leet of three, Mathow Turnbull elected dean of guild; from a similar leet, John Padie elected deacon convener; from a leet of five, William Neilson elected visitor of maltmen and mealmen; and from a leet of four, William Neilson elected treasurer.]

11 October 1623.

Waterseriand procuratour.

[Johnne Young elected water serjeand, and Johnne Huchesone elected procurator fiscal for the year to come.]

Annual acts.

[Statutes passed in terms similar to those enacted in October in previous years. Ordained that no higher prices than the following be charged: tallow, 36s. the stone; candle, 45s. 4d.]

For helping the lettere of gildrie.

The provest, baillies, and counsall convenit, vnderstanding that thair ar sindrie defectis in the letter of gildrie, quhilk by gude advyse and deliberatioun, mon be helpit and reformit, haif thairfor concludit that thair be sex merchandis and sex craftismen nominat and electit to sit, advyse and deliberate vpoun the reformatioun of the said lettre of gildrie, and to conclude thairvpoun be the advyse of the said provest, baillies, and counsall.

25 October 1623.

Help grantit to Cathcart brig.

The provist, baillies, and counsall convenit haif grantit for help and support of the brig of Cathcart, ijc li.

15 November 1623.

Ale, breid.

[Ordained that ale be sold not dearer than two shillings the pint, and that the shilling loaf weigh twelve ounces.]

Statute, counsallour.

Item, it is ordanit that na counsallour suffer thair wyfe or servant to sell derrar aill nor is contenit in the statute abone writtin, bot that thai observe the samyn in all points, and gif thay be fundin to contravene the samyn not onlie the vnlawis foirsaid to be vpliftit bot thay thameselfis to be deprivit of thair places in counsall.