LXXII. Deed of Mortification by James, Archbishop of Glasgow, Chancellor of the University, with the consent of the Chapter,
in favour of the College of Glasgow, whereby he mortified to
it all and whole the customs of the trone, great and small
customs, those of fair or market, of measure or weight, within
the burgh of Glasgow, to be held of the Archbishop and
his successors in all time coming. Glasgow, 28 May 1581.
Be it kend till all men be thir present lettres, vs, James, be the mercye
of God Archbishop of Glasgow and Chancelar of the Vniuersitie thareof,
with express consent and assent of the channouns and chaptour of oure
Metropolitan Kirk of Glasgow, for the honour of God in advancing of
gude lettres and knawledge in the Kirk to be professit and tawcht within
our College of Glasgow, and because the said College hade of before of
vs and our predecessouris certain yeirlye dewtye of our customis of our
cietie of Glasgow, that the samyn suld in na wayis be pairit or hurt, bot
rather augmentit and dotit be vs, To haif vnit anexit and perpetualye
Mortifiet in and to the said College all and hail our customis of our troneis
of Glasgow, great and small customes, fair or mercat customis, or of mett
measure or wecht perteining to vs within our said cietie of Glasgow, with
all pertinentis thareof, lykeas we presentlye vnit, annexis, mortifeis, and incorporatis the samyn, all and hail thareto, to remain tharewith for euer,
with all emolumentis, fruictis, profeitis, anniuersareis or vther commoditeis quhatsumeuer. To be vpliftit, peaceblie bruikit and joisit be the
maisteris and regentis of our said College present and to cum, thare factouris,
collectouris and servitouris in thare names peaceblye, without all trowble
stop or impediment, with als gude rycht als we or onye of our predecessouris bruikit or joysit the samyn or micht haif done from the beginning.
Halding the saidis hail customes and pertinentis thareof of vs and our successouris Archibischopis of Glasgow for euer, without onye reuocatioun
or again calling quhatsumeuer. Ordaining that this our vnioun and
annexatioun be registrat in the commoun buikis of the said Vniuersitie
and College for a perpetuall memorial of our gude favour borne thareto.
And siklyk bindis and oblissis vs and our successouris to warrand,
acquoyet and defend this our vnioun and annexatioun to the said College, or to make farder securitie thareof in maist dew and competent
forme as afevris to remane for euer with the said College. In witnes
of the quhilk thing and of the hail premisis to this our vnioun and
annexatioun maid to the said College, subscryvit with our hand, our seil
is affixit, together with the commoun seil of our chaptour, and subscryvit be the channounis thareof in token of thare consent and assent
to the premisis, at Glasgow the twentye aucht day of the moneth of
Maij, the yeir of God a thowsand fyve hundreth foure score and ane yeiris,
before thir witnessis, maister Dauid Weimis, minister of Glasgow; maister
Andro Polward, subdean of Glasgow: sic subscubitur, Ja. Glasgow, etc.; J.
Balfour, dene of Glasgo; Mr Archibald Douglass, archeden of Glasgow;
Mr F. Coluill, chantour of Glasgow; Mr Villiam Chernisyd, person of
Luss; Gulielmus Bailyei a Prouand; Johne Lindesay, persoun of Carstaris; Welleme Grahame, persoun of Kylern; Wm Erskyn, chancellar off
Glasw; Mr. Ard. Colquhoune, persone of Stobo; James Hill, persone of
Askyrk; Mr Andro Hay, Renfrew; Mr Andro Poluart, subdene; Robertus
Herbertsoun ab Air; G. Hay, Eddilstoune; Archidus; Craufurd ab Eglischem,
rector; Jo. Howison, persone of Cambuslang; Thomas Archibald de
Cardross.