XCVI. Bond by John, Archbishop of Glasgow, binding himself to obtain from the College a ratification of the Charter No. xcv., or otherwise to guarantee the Provost, Bailies, and Councillors of the Burgh of Glasgow against loss. Glasgow, 27 March 1615.

Be it kend till all men be thir present lettres, we, John, Archiebischope of Glasgow, forsamekill as we haif set in few to the proveist, bailleis, and counsall of the burght and citie of Glasgow, all and haill the custome of the Trone and casualiteis thairof, for the yeirlie payment of ane hundrethe merkis, as in the said few chartour grantit to thame thairupon, of the dait of thir presents, at mair lenthe is contenit; and seing that the principall and regentis of the Colledge of Glasgow pretendis rycht thairto, be ane pretendit gift grantit to thame thairof be wmquhill Bischope Boyd: Thairfoir to be bundin and obleist, and be thir presents bindis and obleissis ws, to obtein fra the said principall and regentis ane renunciatioun of thair rycht, with ane ratificatioun of the said few chartour, or then to obtein their said pretendit rycht annullit, and in case of failzea thairintill, swa that the said proveist, bailleis, and counsell, and thair successouris be distrest be the said principall and regentis and thair successouris, in that cace wee bind and obleiss ws, our airis, executouris, intromettouris with our guidis and geir, successouris to our landis and heritagis quhatsumewer, to refound, content, and pay to the saidis proveist, bailleis, and counsall, or thair successouris, the sowme of four thowsand and fyve hundrethe merkis money of this realme, as the sowme payit be thame to ws for the said few chartour, and that immediatlie eftir thai be distrest; and for the mair securitie we ar content thir presents be registrat in the buikis of counsall to haif the strenthe of ane decreit of the lordis thairof with executoriallis of horning vpon ane simple chairge of ten day is and poynding may pas thairupon, and constitutis . . . owr procurautoris vberiori constitutionis forma, etc., be thir presents, subscryuit with our hand, at Glasgow, the xxvij day of Merche the yeir of God j^m vj^c and fyftein yeiris, befoir thir witnessis, Andro Hay, servitour to the said reverend father, William Weimes, merchand, and James Fischer, maltman, burgessis off Glasgow. (Signed) Glasgow; Andro Hay, witnes; James Fischer, witnes; W. Weimes, witnes.