Edwardus Primus Rex
And then beganne the rayne of hys sonne kynge Edward the
furst, that was callyd kinge Edward with the longshangkes.
xxv°. A°. Thys yere kynge Edward toke the castelle of Eddynbrow, the cheffe regalles in Scotlond, his crowne and hys cepter,
and browte it to Westmyster, and offerd it un to sent Edwarde, the
morrow after sent Bothols day, the yere of our lorde Ml.cc.iiijxx.xvij°.
xxxij°. A°. This yere the order of the Templers ware dystroyd
thorowte alle cristyndome in one daye.
xxxv°. A°. Thys yere dyde kynge Edward the furst, and is
burryd at Westmyster.
Edwardus Secundus Rex
And here beganne the rayne of kynge Edwarde the second, that
was borne at Carnarvan, and is called Edward of Carnarvan.
ix°. A°. Thys yere a bushelle of wett was at five shillings.
xix°. A°. Thys yere dyde kynge Edward Carnarvan, the wych
marryd the eyer of France, by the wych qwene the flower de lyce
came in to the armes of Yenglond, and the tyttyll of France; the
wych kynge lyeth burryd at Glosceter.
Edwardus Tertius Rex
And here begynnyth the rayne of kynge Edward the third, borne
at Wynsore, the yere of our Lorde 1327.
iij°. A°. Thys yere was Roger Mortemer erle of March hangyd
and drawne at Tyborne for treson.
vij°. A°. Thys vijth yere of this kynge was the towne and
castelle of Barwyke yelded up to the kynge. And in thys tyme
was the order of the knyghttes of the garter made furst.
xij°. A°. [This yere the kynge chang]ed hys armes and made a
newe qwyne, as the nobylle, halfe nobylle, and ferdy[ng noble. This]
yere was the battelle of Sklyice. And thys yere was gret deth of
men and bestes; and wh[eat dear, for a qu]arter of whett was solde
for xl s.
xiv°. A°. Thys yere was the battelle in the Slewse havyne with
sheppes. And this yere the kynge . . . .
xvij°. A°. This yere was a great yerth qwake.
xx°. A°. This yere was the battell of Grece. (fn. 1)
xxj°. A°. Thys yere the kinge wan Callys. And this yere the
xj. day of September was the battelle of Durham, wher kyng David
of Scotland was tane.
xxiij°. A°. Thys yere was a gret pestelens in Yenglond.
xxv°. A°. Thys yere was the Spanyche battelle abowte Romney
xxx°. A°. Thys yere the prince Edward toke the kynge of
France, and the battell of Peyters.
xxxv°. A°. Thys yere was the second grete pestelens. And
this yere the xiiij. day of Aprill, the wyche was the monday after
Ester day, the kyng beyng with hys pepulle at Paris, seyng the daye
so colde and derke that moche of hys pepulle dyde, it was callyd the
blacke monday. And then dyde dame Blanche duches of Lankester.
xxxvij°. A°. Thys yere was a grete wynde on sent Maury's daye
that dyd moche harme in many places. And Henry that was duke
of Lankester dyde.
xl°. A°. This yere in Januarij Adam Bury was dyschargyd of hys
mayrehod by the commandment of the kyng, and John Lowken was
chosyn in his rome.
xlij°. A°. Thys yere was the kynge of Spayne tane by the prince,
and the erle of Dene (fn. 2) and . . aythn Claykyne (fn. 3) ware taken.
And this yere was the iij. great pestelens.
xliij°. A°. Thys yere was a grete warre in France by sir Roberte
xliiij°. A°. Thys yere was a grete dere yere.
xlvij°. A°. Thys yere was one John Norwelde mercer of London
slayne at Blackehethe at a wrestlynge.
lj°. A°. Thys yere was John Mysterworth drawne and hangyd.
And this yere dyde kyng Edwarde, and is burryd at Westmyster.