IV. PETITION FOR THE ARREST OF AN APOSTATE. (fn. 1)
15th May, 1403
Excellentissimo principi domino suo Henrico, dei gratia Regi
Anglie et Francie et domino Hibernie, servus humilis et devotus
Robertus Chamberleyn, Gardianus ordinis fratrum Minorum
civitatis vestre Londonie, oracionum suffragia cum omni
reverencia et honore. Quia frater Robertus Haunton, confrater
noster et domus nostre professus, spreto habitu ordinis sui,
illius et salutis sue immemores (sic) contra votum, professionem,
et obedienciam suam a domo nostra sine licencia recedens, de
patria in patriam vacabundus (sic) discurrens vagatur in anime
sue periculum, tocius ordinis eiusdem scandalum manifestum;
ipsumque Robertum sic erraneum ad finem debitum non
valemus sine adiutorio bracchi secularis, excellenciam regiam
piis precibus et devotis humiliter imploramus quatenus ob
reuerenciam Dei et sancti ordinis honorem scribere dignemini
Vicecomiti vestro Essex., ut ipse per ministros suos dictum
Robertum sic vagantem capiat et domui sue et ordini restituat,
ne pareat plantacio divino cultui mancipata. In cuius rei
testimonium presentibus his patentibus Regie Majestati directis
sigillum nostrum apposuimus. Datum London. die xva mensis
Maii, Anno domini Millesimo cccc° tercio.
[The seal is gone.]
Footnotes
| 1 |
Chancery Warrants, Series I., 1765/21, P.R.O. |