Extracts from the Records
1525

Sponsor

Institute of Historical Research

Publication

Author

J. D. Marwick (editor)

Year published

1869

Supporting documents

Pages

220-224

Citation Show another format:

'Extracts from the Records: 1525', Extracts from the Records of the Burgh of Edinburgh, 1403-1528 (1869), pp. 220-224. URL: http://british-history.ac.uk/report.aspx?compid=58489 Date accessed: 15 September 2014.


Highlight

(Min 3 characters)

Contents

1525

24 January 1524–5.

Skynneris standis.

The quhilk day, the president baillies and counsall decernis and ordanis all the maisteris of the skynneris that ar fremen within this toun till haue thair standis and place vpoun the mercat, other at the nether end quhair thai stand now or at the over end as thai pleis, and that thair be ane passage betuixt thame and the vnfremen of the brede of ane stand, that nane of the vnfremen molest nor truible the fremen nor seruandis in na tymes tocum, bot till hald and bruik thair places and standis lymmit to thame bot any impediment.

4 February 1524–5.

Baxteris. Fermoraris.; Meit corne laid.

The quhilk day, the president baillies and counsall decernis and ordanis that the auld actis,maid betuix the baxteris and fermoraris of the mylnis anent thair meta corne laidis and multer thairof be keipit and put till executioun in all poyntis, sua that thai require the fermoraris thairwith yeirlie in dew tyme, and gif the saidis baxteris or ony of thame can preif that thai requirit James Wardlaw or Adame Bell the tyme thai war fermoraris to grynd thair said mett corne laidis in dew tyme, and that the saidis fermoraris refusit the saymn, in that caus thai ordane the saidis fermoraris to pay safar as thay can preif, vtherwayis thai decerne the said fermorais quyte thairof, and als thai ordane the saidis baxteris to pay the mayne flour to the saidis fermoraris as vs and wont hes bene in tymes bygane, and sicklyke to gif thair aithis vpoun the stuf grund fra the saidis myllis at out myllis, and that name be fre for half multer at the said myllis exceptand allanerlie the Kingis stuf.

20 February 1524–5.

Defalcatioun Fermoraris.

The quhilk day, in presens of the presedent baillies adn counsall the fermoraris of the mylnis, viz. Henrie cranstoun, Henrie Lillie, and Jhone Harvie, maid fayth that thai had maid expenssis vpoun the standard graith of the commoun mylnis in stra, scowis, rauchteris, lyme, sande and werkmanschip the sowme of x. merkis, quhilk sowme the said president baillies and counsall constitutis and grantis to be allowit and defalkit to the siadis fermoraris in thair latter quartet.

25 February 1524–5.

Tuiching tha capitane of the Castell of Edinburhg.

Item, It is statut and ordanit that forsamekle as the lordis of counsale and vtheris, our souerane lordis liegis resortand and reparand to the toune of Ediburgh, may be invadit, persewit, or troublit be evil avisit persounis being in the Castell of Edinburgh be schot of gvn. that thairfor the capitane of the said castell suffir of ony or our Souerane lordis, nor that he suffir nane of the artilery gunnis, pulder, bullettis, or vther municiouns now being in the castell forsaid to be remufit furth of the samyn to ony vther place bot be the avise and command of the lordis chosin of counsale, vnder the pane of tresoune: And that na gunaris pas to the castell of Edinburgh without command and charge of the saidis lordis, vnder the pane of deid.

4 March 1524–5.

Asys. Coloring of vnfremennis guidis.

Teh quhilk, day the provest ballies and counsall ordanis William Andersoun till compeir befoir thame on Tyesday nixttoucum for coloring of vnfremenis guidis as he sall be accusit thairfor, vnder the pane of tynsall of his fredome.

28 March 1525.

Statute Sailling Merchandis.

The quilk day, is statute and ordanit be the provest baillies and counsall, with the consent and assent of the maisteris and skipperis of Leyth, that in tymes tocum all the saidis skipperis and awneris at the frauchtign of thair schippis or thai depairt fynd sufficient souerteis and caution vnder the pane of xl li. that thai ressaue na man within thair schippis to saill in merchandice, nother in France Flanderis nor vtheris pairtis, without thair haif writting subsciuit with the commoun clerk of this toun or his deputtis, gevand thame liceance for to Saill, and that the commoun clerk nor his deputtis gif nocht this writting without thai haif command thairto be the sersouris ordanit and deput for the samyn, or be the maist pairt of thame; quhilkis sall be the maisteris of the frary, the dene of gild thesaurair of the toun Jhone Adamesou, Jhone Irland, Nicholl Cairncors, and Williame Adamesoun.

Anent personis that sellis merchandice on the Hie gaitt.

The quhilk day, the provest baillies and counsall statutis and ordanis that na maner of persounis burges man or vtheris sett ony geir vpoun the Heirgaitt, in buith durris, cmmoun passagis, or outwith thair buith durris or windois to be sauld, exceptand it sall be lefull to haue on the gait, or outwith thair buithis, geir to sell on the merket day, quhilk is maid wihtin the realme, vnder the pane of viij s. als aft as thai be tane butt fauouris: quhilk vnlaw the seriandis sall haue power to vplift and rais to thair awin vs, and gif the seriandis failis in the execution of this statute thai to be depryuit of thair offices for euir.

11 October 1525.

Grenesyde and geving sasing thairof be the guid toun.

The quhilk day, in presens of the provest baillies and counsall sittand in jugement, Sir Thomas Kanny, chaplane of the place and kirk of the Rude of the Grenesyde, resignit the said place and deliuerit the keis of the samyn in the provest handis in fauouris of freir Jhone Malcolmesoun pro marerall [sic] of the ordour of the freiris Carmelytis and thair successouris, and incontinent thairefter the provest with avise of the ballies and counsall deliuerit the keyis of the said kirk and place of the grenesvde to the said freir. Jhone Malcolmesoun; and ordanis ane baillie till pas and gif the said freir Jhone and his successouris institution and possessioun of the said place.

20 October 1525.

Anent frauchtint of schippis.

The quhilk day, it is statut and ordanit be the baillies and counsall for the commoun weill of all the merchandis and Sanct Gelis werk, that in tyme tocum ha schippis be frauchtit bot in the Tolbuith befoir the provest and baillies and counsall, vnder pane of fyve li. to be tane of ilk peroun that frauchtis the saidis schippis, and vther fyve li. to be tane of thame that lattis tha said ship to fraucht.

21 October 1525.

Eacheit. Venetreit geir.

The quhilk day, the baillies and counsall ordanis Andro Vddart, fermorar of petit customes and wyld aventouris of Leyth, till pas and intromett with the wad or ony vther geir beand vpoun the schoir of Leith as he alledgit vnentrit in the townis buikis, to be disponit as the toun thinkis expedient.

26 October 1525.

Statutum Wyne selling.

The quhilk day, the provest baillies and counsall statutis and ordanis that na maner persoun tavernour and vther nychtbour of this burgh sell nor tap wyne in thair taverne or houssis darrer nor for xij d. the pynt, vnder the pane of escheting and deling of thair wyne but fauoris; and als ordanis ane officer to pas to Leith and dischairg all maner of personis in Leith fra ony bying or tapping of wyne in thair boussis, with certificatioun and thai do in the contrate heirof that the toun will putt the KIngis lettres and proces of hornyng till executioun vpoun thame without fauouris.

1 December 1525.

Fermoraris. Villa.

The quhilk day, the provest baillies and counsall hes considerit and sene all the preceptis direct to the fermoraris of the commoun mylnis, and fyndis Henry Cranstoun and his collegis fermoraris frosaid restand de claro to the toun the sowme of foirscoir xij li. vij s xi. d., and thairof the provest baillies and counsall for cetane cusis moving thame, and for greit skaithis and expenssis sustenit be the saidis fermoraris, remittis and dishcaifgis the said Henrie and his collegis of the sowme of xx pundis, and swa restis behing awand de calro to the toun the sowme of iij scoir xij li. vij. s. xi. d.; quhilk sowme the said provest baillies and counsall ordanis the said Henry to content and pay to the gude toun the this maner, viz. x li. to the prebendaris of Corstorphin for thair pensioun and annuell of the Witsounday terme last bypast, and xx li. to Alexander Mauchane in pairt of payment of the rest awand to him the tyme he was thesaurare, and the remanent of the haill sowme extendign to xlij li. vij s. xj. d. thai ordane to be payit to the dene of gild to the kirk werk; quhilk haill sowme being payit in maner foirsaid the provest baillies and counsall dischairgis the said Henry and his collegis thairof for now and evir.

Thesaurare. Custome.

The samyn day, the provest baillies and counsall ordanis James Jhonestoun till content and pay to the thesaurare of the toun for the custome of vj polkis of woll quhilk he laid in Jhone de Pounys schip Frenchman vj s., becaus it wes vnderstand that the said Frenschman buir the aventoure of xvijxx x frankis of the said woll.

Donatio altaris Sancti Eloyii per prepositum et balliuos pat-ronos ejusdem.

The quhilk day, in presens of the provest baillies and counsall sittand in jugement, Maister James Dowglas, procuratour for Maister Thomas Forbes, speciallie constitute vnder the forme of instrument vnder the signe and subscriptioun manuall of Sir Jhone Smyth, notare publict, and resignit puirlie and simple the said Maister Thomas altarage at Sanct Eloyis altar, situat within Sanct Gellis kirk, in the handis of the provest and baillies as in the handis of the patronis thairof, efter the tennour of the mandat of resignatioun maid thairvpoun; the quhilk resignatioun the saidis patronis admittit as vse is in sic caissis, and incotinent thairefter the said provest and baillies admittit and gaif the said chaplanrie and seruice till Sir Dauid Frissell chaplane, to be bruikit be him efter the tenour of the fundatioun, and ordanit ane baillie till pas and gif him institutioun at the altare as vs is.

1525.

Setting the gait dichting.

The gaitt-dichting and dewteis thairof is sett for this yeir in to cum with the aventure of deid and weir to Alexander Pennecuik for the sowm of xxviij li. with the escheatt of the middings, and he to haif his grayth and seruands for the clengeing of the gaitt all tymes.—(Amangs the lowse leiffis of the Rental Buik, anno 1525.—Tr.)