1530

11 February 1529–30.

Statuta pro Infirmitate.

We do yow to wit, forsamekill as the nychtbouris of Sanctandrois ar reparand to thar tovne and yit pairt of (hous infeckis) [the houssis infekit] in the samyn, quharthrow mair dangeir apperis now in the spreing in the yeir than in the sesion of winter, quharfor we charge yow straitlie and commandis in our Souerane Lord the Kingis name, provest and ballies of this burgh, that na maner of persone induellar within this burgh hous nor harbery ony persone of Sanctandros within thar housis vnder the pane of deid; and als chargis that na maner of persone man nor woman within this burgh repar to Sanctandros, nor intromet with ony persone of Sanctandross, vnder the said pane. And als that nane of Sanctandros cum to this, vnder the said pane.

15 February 1529.

Banist indoring the tounis will.

We do yow to wit, forsamekill as John Geichane and Done Patersone has brokin the statutis of the toune in the bying of butter in the gret in the merkat to regrait agane till our Souerane Lordis legis before the hour lymit tharto, quharfor the prouest ballies and counsall has bannist the [said] Johne and Done this toune induring thar willis, and to dewoid within xxiiij houris.

Katryne Wrycht banis doring the tounis will.

The quhilk day, forsamekill as Katryne Wrycht has resset now laitlie certane stollin toffetiis stollin fra Edwart Kyncaid be Thomas Brovne now justyfiit for that sam and vther stoll geir committit be him, quharfor the prouest ballies and counsall banisis the said Katreyne this tovne and the fredome tharof indoring thar willis.

16 February 1529-30.

Banist for euer.

Margaret Borthik is bannist this [toune] for commone pikere and vther her demeritis for all the dayes of hir [lyf], and nocht to cum tharintill in the meynequhill, vnder the pane of deid.

Thir ar the namis of the broustaris in Edwart Kyncaidis quarter, the ballie of the south est part of the tovne, quhilk has oblist thame till keip the statutis, and sell na darrar aill na the statut ordanis, vnder the pane of bannasing of the tovne: In the first, Kate Hutoune, Male Kerse, Kate Gibsone, Issobell Lany, Margret Drummond, Deme Seytoun, Male Kars, Marione Spens, Mege Thome, Bessie Derumpill, Dem Siluer, vnder the pane of x lib.; Robert Symsone for his madyn, vnder the pane of x lib., but fauouris.

18 February 1529-30.

Curia viceomitatis Burgi de Edinburgh, tenta coram preposito et balliuis, decimo octauo die mensis Februarii anno Domini I^m V^e xxix°. [In the Sheriff-Court of the Burgh of Edinburgh, held before the Provest and Bailies, on the eighteenth day of the month of February, in the year of our Lord one thousand five hundred and twenty-nine.]

Assisa.

Margret Cok banist for euer.

Margret Cok, convict be ane assis for the breking of the Kingis proclamatione and statutis of the tovne maid apon the contagius seiknes of pestilence, in the cuming furth of Sanctandrois with geir quhilk was infekit with the said seiknes quhar scho wes continvlie this quarter of this yeir bygane, and als for the thiftuis resset of ane kirtill quhilk was stolling furth of Sanderis Spens house, for the quhilk caus scho wes adiugit to be birnt of bayth the chekis, and hir claiis to be birnt, and her self bannist the toune for all the dayes of hir lyf, and nocht to cum thairintill in the meynquhill vnder the pane of deid.

20 February 1529.

[Margret Smyth to obey the statute.]

Margret Smyth oblissis her to obey and vnderly the statutes of the tovne, and nocht to sell derrar aill nor the statutis proportis, vnder the payne of xl s. quhilk scho consentis of hir awin fre will to be tane of hir als oft as scho falis, but fauoris.

[Arche Clerk banished.]

Arche Clerk is bannyst this tovne of his awin fre will for his demeritis, and oblissis him neuir to cum within this tovne agane in tyme to cum vnder the pane of deid.

Statuta pro infirmitate.

We do yow to wit, forsamekill that ther is now ane fair to be hald on that vther syd of the Walter, that is to say in Sanct Monanis, quhar that repair of infeckit personis is habill to repair with infeckit geir, quharfor we command and charge in our Souerane Lord the Kingis name prouest and ballies of this burgh, that na maner of persone inhabytant [of] this toune or within Leith or vther placis adiacent repair to the said fair, or by ony geir ther to be brocht to this toune to be sauld, vnder the pane of bannassing this toune for yeir and day, and escheit of the geir thai bring to this toune to be sauld and forther punising of ther personis.

26 February 1529–30.

Statuta of the aill.

It is statute and ordanit be the prouest ballies and counsall that all maner of brouster dry tapstar and vtheris duelland within this toune, quhilk ar delaittit for the breking of the statutis of the samyn, that in tyme to cum that thai and ilk ane of them obserue and keip the said statutis of the toune maid tharapone, vnder the pane of xl s. fra this hour furth, and find souirte therapone, and thai that can nocht fynd the said souerte that thai be acit in the common bukis to obserue and keip the said statutis vnder the pane of bannasing.

[Jok Thomson and John Brovne banished.]

Jok Thomson and John Brovne, vagaboundis, haffand na master nor craft till wait apone, ar banuist this toune for thar demeritis, and nocht to cum thairintill but licence, vnder the pane of bannesing for all the dais of thar liffis.

Jonet Robesone vnder the pane of bannasing.

The quhilk day, in presens of the ballies, Jonet Robesone delatit for the breking of the statutis of the tovne in the selling and tapping of darrar aill na for xvj d. the gallone contrar the said statutis maid thairapone is oblist hir of hir awin fre will till obserue and keip the said statutis vnder the pane of bannasing of the tovne.

Souerte Maw.

The quhilk [day] in presens of the bailie, James Fentovne is becumin souerte for Mergret Maw that scho sall obserue and keip the statutis of the tovne anent the brewing and tapping of aill, vnder the pane of xl s. to be tane, bot fawuoris.

[Here follow seven similar entries.]

28 February 1529–30.

Statut. The meill merkat.

We do you to wit, forsamekill as it is vnderstand that westland cadgearis and owtland men byis the meill in gret and turses the samyn out of this toune, throw the quhilk the derth of vittalis is abill to rys, quharfor we charge straitlie and commandis that na syk owtlandis men nor cadgearis by ony meill in the merkat to turs out of the toune in gret, vnder the pane of escheit of the samyn quhareuer it can be apprehendit.

28 March 1530.

Pro Joneta Cauertone.

Vicesimo octauo die mensis Martij anno Domini j^m v^c xxx^mo, indictione tertia, pontificatus Domini nostri Clementis Pape septimi anno septimo, personaliter constitutus Willelmus Achinsone filius et heres quondam Georgii Achinsone, [On the twenty-eighth day of the month of March, in the year of our Lord one thousand five hundred and thirty, in the third indiction, and in the seventh year of the pontificate of our lord Pope Clement the seventh, personally appeared William Achinsone, son and heir of umquhile George Achinsone], and oblist him fathfullie till deliuer till Jonet Cauertone the spous of James Cauertone at his hame cuming nixt in Scotland, a dosane of grete rauchteris, or ellis a barell of saip, merchand ware and sufficient stufe, for xl s. the barell. Acta in botha communis clerici burgi de Edinburgh hora vj^ta post meridiem. Testibus Francisco Spottiswod, Jacobo Cauertone, et Georgeo Arnot. Dict Joneta petijt instrumentum. [Done in the booth of the common clerk of the burgh of Edinburgh in the sixth hour afternoon. Witnesses, Francis Spottiswod, James Cauertone, and George Arnot. The said Jonet asked instrument.]

31 March 1530.

[Seal of Cause to Bonetmakers.]

Till all and syndry quhais knawlege thir present letteris sall tocum, the provest ballies and counsall of the burgh of Edinburgh greting in God euirlesting. Witt your vniuersites that the day of the dait of thir present letteris, comperit before ws sittand in jugement the haill brethir and communitie of the Bonetmakaris within this burgh, and presentit befor ws thar bill and supplicatioun desyring that we wald grant to thame the rewlis statutis and preuilegis contenit in thar said bill and supplicatioun, of the quhilk the tenor and effect efter followis:—To yow my lordis provest ballies and worthy counsall of this gude tovne, humlie menis and schawis your dalie seruitouris the haill brethir of Bonetmakaris within this burgh, that is to say, Johne Lausoun, Andro Gardner, Andro Auld, William Homyll, Thom Dryburgh, Robert Tailyefeir, Johne Wan, Johne Dalrumpill, Jonet Watsoun, William Roger, Thom Henrison, James Williamsoun, and vthir diuers brethir and sisteris of the said craft, that quhair we traist your lordschippis knawis and vnderstandis perfytlie how that we ar vnyt and incorporat togiddir with the brethir of Walkaris and Scheraris within this said burgh, and ar oblist to thame till pay our dewiteis to the reperatioun and wphalding of Godis seruice at thar altar of Sanct Mark, situat within your College Kirk of Sanct Geill, baith in oukly penneis, preistis meit, and all vthir dewiteis, syklyke as ony of thame dois to the samyn, and has optenit your wisdomys wryttingis and letteris vndir your commoun seill of caus of this burgh ratifyand and approvand the samyn in all thingis contenit tharintill, and without your wisdomyis grant till ws thir preuilegis and reulis efter followand thar will na gude reule nor gyding be kepit amangis ws, quhilk reulis and preuilegis ar richt proffitabill for the commoun weill of this tovne and of all our Souerane Lordis liegis of this realme, that is to say:—In the first that we micht haue yeirlie ane honest man of the said craft chosin till ws quhilk salbe callit ouerman and ouersear of all the laif that thar werk be gude and sufficient stuf, and at that ouerman be chosin yeirlie be the auise of the provest ballies and counsall of the said burgh, and all the men and wemen of the said Bonetmakaris till obey him at all tymes quhen he serchis the samyn for the commoun weill of the said craft; and at na man nor woman of Bonetmakaris vse nor wyrk the said craft of bonatmakyn without at he or scho be first prenteis and ane craftisman or woman of the samyn and that nane of the said craft mann nor woman ressett ane vtheris prenteis, vndir the payne of tuenty schillingis to be tane and applyit to the reparatioun of the said altar, and als that na man nor woman of the said craft of Bonetmakaris be fund with vnsufficient stuf, viz. with wob yarne or vther hew of burges stuff, bot at the samyn be thare awin propir gudis wrocht and spvn within thare awin houssis, vndir the payne of eschaeting tharof to be applyit at the will of the gude tovne and at oukly serching be maid heirintill be the said ouirman and vtheris of the said craft, and ilk persoun man or woman that wirkis at thar awin hand sall pay at thar entre to the reparatioun of the said altar thretty schillingis, and for ilk prenteis thai ressaif sex schillingis aucht penneis, and quhat tyme that euir it sall happin the chaplanry of the said altar of Sanct Mark to vaik ony maner of way that we the brethir of the Bonetmakaris sall haif our votis in the chesing of ane vther chaplane tharto syklyke as the saidis Walkaris and Scheraris, and als that thar be na merket day had amangis ws for the selling of our bonettis bot allanerly apon the Monunday and Wednisday, sua that the samyn may be serchit and sene gude and sufficient stuf and quhat persoun beis fundin ony vther day with bonettis selland oppinly in the merket the samyn till be eschaetit with ane officiar of the tovne and to be distribut to the vtilite of the said altar, and that ilk person man or woman of the said Bonetmakaris sett thar markis upon all necessar thingis that sall happin to be brocht amangis thame and the saidis Walkaris and Scheraris to the vtilite and proffitt of the said altar, syk as buke, challice, vestiment, and vther stuf quhatsumeuir syklyke as the saidis Walkaris and Scheraris dois, and als the said Bonetmakaris till haue ane key of the said Walkaris and Scheraris box sykelyke as thai have ane of thare box, the quhilkis reulis preuilegis and statutis aboue wryttin we pray your lordschippis till grant till ws vndir your commoun seill of cause, and will God we sall do sua in the tovnis seruice that ye and your successouris salbe hartlie content of ws in tyme cummyn with your deliuerans heirintill humlie we beseik. The quhilk supplicatioun and bill beand red befor ws in jugement, and we tharwith beand ryplie auisit, thocht the samyn consonant to resoun and for the commoun weill of this burgh and all our Souerane Lordis liegis, and tharfor safer as we may for ws and our successouris grantis the saidis preuilegis reulis and statutis to be obseruit and kepit amangis the saidis Bonetmakaris, and ratifiis and apprevis the samyn in all poynctis in tymes tocum be thir presentis. In witness of the quhilk thing to thir present letteris we haif gart append our commoun seill of cause at Edinburgh the last day of the moneth of Marche, the yeir of God ane thousand five hundreth and thretty yeris.

Thir ar the namis of this craft of Bonetmakaris quhilkis are nocht specifiit in this wrytting aboue, that is to say William Lauson, James Craufurd, James Stevinson, William Joffray, Alexander Myll, Jonet Poilton, Johne Rogeir, Thom Spanze, Johne Inglis, Dauid Murray, Johne Layng, Johne Williamson, Katran Grame, William Hammyll.

1 April 1530.

[Burgh Court.]

Curia Burgi de Edinburgh tenta coram preposito et balliuis eiusdem, in Pretorio dicti burgi, primo die mensis Aprilis anno Domini I^m V^e xxx°. [In the Court of the Burgh of Edinburgh, held before the provost and bailies of the same, in the Tolbooth of the said burgh, on the first day of the month of April, in the year of our Lord, one thousand five hundred and thirty.]

Assisa.

Persons convict for the breking of the statutis.

The quhilk day, all the personis vnder writtin quhlkis ar convict be ane assis for the breking of the statutis of the toune in the breuing and tapping of xx d. aile and selling of the samyn agane contrar the statutis of the toune maid tharapon, quharfor a pairt of thame quhilk fand souerte of befor to obserue and keip the said statutis vnder the pane of xl s. and is convict of the new, bes fund souerte to obserue and keip the said statutis vnder the pane of v li.; and ane vther pairt quhilk wes convict in lykwyse till obserue and keip the said statutis vnder the pane of spaning fra the operatione; and [thame that] has fe statutis vnder the pane of spabning fra the operatione; and [thame that] has fe seruitrice that browis apone thar awin awentur and gyfis ane certane of ilk broust to thar hussy that thai obserue and keip the said statutis, vnder the pane of bannasing of the toune.

Mr John Schevin is becumin souerte for Deme Leithame and Deme Barbouris wyf till obserue and keip the statutis of the tovne quhill Michelmes nixt to cum, vnder the pane of payment for ilk ane of the said personis of v li.

[Here follow twenty-nine similar entries.]

2 April 1530.

Assis.

Souerteis for brousteris.

Robert Glene is becumin souerte for his brouster that scho sall keip the statutis of the toune in tyme to cum quhill Michelmes nixttocum, vnder the pane of v li.

[Here follow fourteen similar entries.]

Souerteis anent corne and hay.

Issobell Cruke has oblist hir that scho sall obserue and keip the statutis of the tovne anent corne and hay, vnder the pane of bannasing.

[Here follow three similar entries.]

3 April 1530.

[Syluer chandler.]

The dene of gild Nicoll Carnecors ordanit to pay to Adame Leyis goldsmyth, for the making of ane syluer chandler new maid of the wecht of lxxv vnce to the towne, iij s. ilk vnce; summa, xj li. v s. and ij s. mair. [In the lowse leiff daittit 3 Aprillis 1530.]

5 April 1530.

Anent the stabellaris.

Thir ar the parsonis of the stabellaris quhilkis regratis corne and hay in contrar the statutis of the tovne maid thairapoun, quhilk wald nocht quit thameself be thair aith, quhairfor the prouest [and] ballies ordanis thair vnlaw to be tane for the first falt, and thai nocht to vse sic regrating vnder the pane of spaning in tyme coming for the secund falt:—In the first in Patrik Barrounes quarter, viz. the south-west quarter, William Frebarne, Issobell Cruke, Johne Blak, Auld Heleing, Deme Rowat, Johne Mertynis wyf, Besse Galloway, Hary Creichtoun, Thom Couper, Deme Abirnethy. Item, in the south north quarter Dauid Caudor quhilk ordanis his vnlaw to be tane for the first, and the secund falt spaning fra the opperatioun. Item, the personis in the southeist quarter, viz. in Edwart Kyncaidis quarter, in the first vnderwritten: Johne Wauch, Alisone Scot, Male Portuis, Patrik Runsiman, Thome Brovne; thir ar the parsonis that ar vnlawit for the first falt, and the secund falt spaning fra the opperatione.

[Anent the souerteis of the brostaris.]

Anent the souerteis of the brostaris, tane v Apprilis anno Domini, etc. xxx. In Edward Kincaidis quarter:—

Johne Adamsone pursewant is becuming souerte for Annabill Robisone that scho sall obserue and keip the statutis of the tovne in the bruing and tapping of aill quhill Michelmes nixt to cum, vnder the pane of xl s.

[Here follow thirteen similar entries.]

26 April 1530.

The statut anent the leper folk.

It is statut and ordanit be the prouest ballies and counsall of this burgh, that na maner of lipper persone man nor woman fra this tyme furth cum amangis vther cleine personis, nor be nocht fund in the kirk, fische merket nor flesche merket, nor na vther merket within this burgh, vnder the pane of burnyng of ther cheik and bannasing off the toune.

The statute anent the eggis.

It is statut and ordanit be the prouest ballies and counsall, that na maner of hukstar tap nor sell ony eggis fra this tyme furth for the space of ane moneth to cum, vnder the pane of bannassing of the tovne.

Aganis regratouris and hukstaris.

It is statute and ordanit be the prouest ballies and counsall, that forsamekill as thair is greit derth rasit apone our Souerane Lordis legis of all kynd of meit ordanit for sustentatione of man throw inordinat nomer of regratouris and hukstaris, that tharfor na regratour or hukstar of wyld foulis, tame foulis, buttir, hegis, cheise, aittis or hey, or ony vther stuff, be tholit to be within this toune fra Furisday nixt to cum, without thai get speciall licence and be admittit be the prouest, wnder the pane of bannasing of the toune quhill Michellmes nixt to cum.

Anent seruandis.

Item, that because thar is na seruand woman or nurys that gettis in anegud manis hous throw hir seruice v or vj merkis bot scho will tak ane hous of hir awin and be ane broustar or hukstar, quharthro the nychtbouris of the toune ar hevelie hurt, and the meit and drink rasit darer throw the bying of the samyn at the secund or thrid hand, that tharfor na seruand woman pas fra hir seruice and tak ane hous without scho be mariit, or pas to the bordall except scho haif licence of the prouest for gud rationabill causis, vnder the pane of bannasing, and that na man set sic lik personis howis vnder the pane of xl s., to be appliet to the cassa.

Browsteris.

Item, that na brostar be in this toune that tak in hyrgang ony brewing lumis, bot that scho haif thame of hir awin fre, vnder the pane of bannasing.

30 April 1530.

Jonet Andersone.; Wauchop.

The quhilk day, the prouest and bailies decernis and ordanis Jonet Andersone, the spouse of (blank) Bell, fra this tyme furth that scho say na displesour nor iniurious language till Thomas Wauhope nor his spous, nother oppinlie nor priuatlie, vnder the pane of bannesing of the toune als sone as the samyn beis notorlie knawin.

5 May 1530.

William Kar

William Kar oblissis him that he sall nocht be sehe into the fische merkat, nother byand nor selland fische, vnder the pane of cutting of his lug and ban nasing of the toune, bot gif he haif ane hors of his aune till bring fische to the merket till sell vniuersale as vther strangearis dois till all our Souerane Lordis legis.

[Marget Thomsone.]

Memorandum, that Marget Thomsone the spous of Robert Hog, is delatit for ane schitt of grene weluos.

12 May 1530.

Brokkarie of woll hyd and skynnis.

The quhilk day, the provest bailies and counsall statutis and ordanis and als commandis and chargis, that na maner of brokkaris nor forstallaris of woll, hydis nor skyn, man nor woman, be fund nor sene on the merket day in the place quhar ony woll, hyd or skyn ar to sell, nother spekand, standand nor commonand with the sellaris tharof in na tyme tocum, vnder the pain of, etc.

William Bartoune fined.

The quhilk day, forsamekle as it is cleirlie kend and vndirstandin be the Provest ballies and counsall that William Bartoune had oft and diuers tymes brokin the statutis of the toune in the bying and regrating of wild founlis and tayme, for the quhilk he wes spanit the occupation therof for all the dais of his lyf, under the pain of bannasing of the toune, as the actis maid therapone proportis, nocthwithstanding he has sensyne coft syklyk stuf to regrait, quhilk was fund in his house be the provest and officiaris, and als the said William had contempnandlie drawyn his knyf till ane (blank) Craik at the market cors for his slauchter, becuase he warnit the provest that the said William had coft wyld foulis in the merket; with the quhilk faltis the provest ballies and counsall beand riplie auisit, decernit and ordanit the said William till content kirk werk or commoun werkis of the tone.

14 May 1530.

[Adam Robertson banished.]

Adam Robertsone is banist this tovne for the stelling of ane pot.

25 May 1530.

Statuta pro Infirmitate.

Forsamekle as thar is sum pairt of infectione of pestilnes rissin within this toune quhilk be the grace of God and gud gouernans may be weill stanchit, that tharfor we command and charge in our Souerane Loridis name, provest and ballies of this burgh, that all maner of personis within the samyn, that ony seiknes happinis in thar houssis, that thai revele the samyn, till thar nerest nychtbour incontinent and command thame till schaw the samyn till the officeris of the toune, and at thai hald thame self seuerall fra all vther parsonis, and tholl nane cum to thame, vnder the pane gif thai be pure folkis of byrnyng of the cheikis and bannising of the toune for all the dayes of ther lyf, and neuer to cum therintill vnder the pane of deid, and gif thai be folkis of substans, vnder the pane of eschaet of all thar gudis to the commoun werkis of the tovne, and bannasing of thame selffis for all the dayes of thar lyffis as said is.

Item, that na maner of parsonis man nor woman tak ony claith in wedd fra vtheris, or by ony auld clais, wou or lynnyn, vnder the pane of burning of thar chekis and bannasing of the toune for all the dayes of thar lyffis.

Item, that na maner of personis ressett ony personis cummand furth of Sanctandros, or ony insicht or gudis clething claith wou nor lynnyn, vnder the pane of deid; and at na parsonis of this toune repair thar under the said pane.

Item, that [all] maner of personis that has ony swyne within this toune, that thai keip thame in band within thar houssis fra this tyme furth, with certificatione to thame and ony of ther swyne be fund on the hie gait or in vinellis out of houssis, that it salbe lefull till Andro Fentoune officiar of the tovne till eschaet the samyn till his awin use.

Item, that forsamekle as thar is gret filith within this toune baith on the hie gait and in closis, and als the guttaris of the tovne ar full of filith, quharthrow infectioune may spreid and ryse, that tharfor euery man and woman dicht and mak clene befor ther durris and closis, and clenge away the filith tharfra, vnder the pane of punising of thar personis and gudis at the prouest will.

Anent the setting of housis.

It is statute and ordanit be the provest ballies and counsall, that na maner of personis man nor woman that has ony land or houssis till sett within this toune, that thai sett the samyn till sufficient tenentis that ar honest men and lauborius personis abill to wyn thar liffing, and nocht to sett thar houssis till trumpouris or vagabundis, vnder the pane of xl s. to be tane fra thaim that dois in the contrar, but fauouris, to be applyit to the commoun werkis of the toune.

Statuta pro Infirmitate.

It is statut and ordanit that all maner of personis within this tovne man nor woman that has bene in Gladois house, the smyth, or ony vther houssis that ar now suspect of this contagius seiknes, or that hes intromettit with thame ony maner of way other befor or seynsyne, that thai cum and reveile the samyn incontinent to the officiaris of the tovne vnder the pane of deid.

Margaret Smyth

In presens of the ballies in jugment, Margaret Smyth of hir avne fre will oblist hir that fra this tyme furth scho shall nocht [use] na iniurious wordis, blasfeme, nor schame Dene Alexander Creichtane vicar of Sanct Cuthbartis Kirk, nothir in word nor deid, vnder the pament of x li. tilbe gevin till Sanct Gelis werk.

Anent the seruandis that weschis clais.

We do you to wit, forsamekill that thar is diuers seruandis that hes thar masteris and hussis claithis to the walter, and be the gait takis this womanis coller and that womanis curtche and wescheis thame amangis thar maisteris, quharthrou it is vnpossable to keip the toune clene gif sik things be usit, that therfor na seruandis wemen tak vther claithis than thar masteris and husseis and thar houshaldis claithis to wesche, vnder the pane of burning of ther cheik and bannasing of the toune, and that thar master or hussy pas and convoy ther seruandis, or send ane auctentik persone to convoy thame out of the toune, for escheuing of sic dangeir, vnder the pane of bannasing of the toune for yeir and day.

Isobell Forsyth brint and bannist for euer.

We do you to wit that Forsamekill as it was statute and ordanit that all maner of personis quhilk had bene in suspect houssis, or intromettit with ony personis suspect, and als all maner of personis man or woman that happinnit to be sek, suld inlikwis reuele the samyn to the officiaris of the toune, neuertheless Issobell Forsyth that heir standis has intromettit with infekkit folk, and being in ther houssis, and nocht reuelt the samyn, and als is now infekit sek and wald nocht reuele the samyn, quharfor scho salbe brint on the cheik and bannist this toune for all the dayis of hir lyf, and to remane on the mure quhill scho be haill, vnder the pane of deid.

4 June 1530.

Isobell Cattal banist for evir.

The quhilk day, forsamekle as Issobell Cattall the spous of William Tod, has brokin the statutis of the toune, haldand hir dochtir seik within hir hous thir iij dayes bygane, and wald nocht reweile the samyn to the officiaris of the toune quhill now scho is deid in this contagius seknes, quharfor It is ordanit be the prouest and baillies that hir self be brynt, and scho and all hir barnis bannist this toune for all the dayes of thar lyffis vnder the pane of deid, and at thai remane still on the muire quhill thai be clengit, and nocht to scatter in the cuntre vnder the pane of deid.

18 June 1530.

Helen Adamsone banist for euer.

Helene Adamsone for her demeritis yit as abefor scho is bannist this toune, and nocht till cum tharintill in the meyntyme vnder the pane of deid, and till remov incontinent.

[Christian Mur and Marion Mur banist.]

Cristiane Mvr [and] Marione Mvr for thair demeritis ar bannist this tovne, and nocht tocum hereintill vnder the pane of bannesing for euir.

21 June 1530.

[Decreet Arbitral betuixt the Websters and the Wakers and Shearers.]

In Dei nomine, amen. Per hoc presens publicum instrumentum cunctis pateat euidenter quod anno incarnationis Dominice millesimo quingentesimo tricesimo mensis vero Junii die vicesimo primo, indictione tertia, pontificatus sanctissimi in Christo patris et domini nostri domini Clementis diuina prouidentia Pape septimo anno septimo: In mei notarii publici et testium subscriptorum presentia personaliter constituti honorabiles et circumspecti viri Willelmus Raa, Andreas Edgar, Stephanus Bell, Edwardus Thomsone, Johannes Arras, Jacobus Litiljohnne, Adamus Baxtar, Edwardus Hendirsone et Thomas Andersone, burgenses burgi de Edinburgh, tanquam judices arbitratores et amicabiles compositores de vniuersa secta et caterua artificum per subscriptas partes de consensu honorabilis et egregii viri magistri Adame Otterburne prepositi de Edinburgh acetiam de consensu balliuorum et dominorum consilii dicti burgi specialiter electi et jurati inter Alexandrum Michel decanum Textorum prefati burgi et ceteros artifices et magistros eiusdem artificii ab vna, et Johannem Gray decanum Fullonum et ceteros artifices et magistros eiusdem artis dicti burgi partibus ab altera, penes discrimina singula et debatabilia ipsas partes respectiue concernentia et precipue penes discrimen artificum burrutorum vtri predictorum virorum artificum incorporari annexari et adungi deberent, et penes locum et locationem eorundem in processionibus generalibus; quiquidem suprascripti viri judices arbitratores et amicabiles compositores, non vi aut metu ducti, sed longo temporis tractu et matura deliberatione prehabita diuersis vicibus ad effectum suprascriptum insimul congregati vnanimo eo consensu et assensu sine discrimine aut variatione quibuscunque, de consensu etiam partium predictorum ibidem presentium, tactis sacrosanctis Dei euangeliis, jurauerunt decretum dictorum judicum pro se et suis successoribus in futurum obseruare nec eidem aliquatenus contrauenire temporibus futuris imperpetuum, prout in suo decreto arbitrali in vulgari desuper lato sequenti, latius continetur: cuiusquidem decreti arbitralis de quo supra fit mentio tenor sequitur de verbo in verbum et est talis.

[In the name of God, Amen. By this present public instrument let it appear evidently to all, that in the year of the incarnation of our Lord one thousand five hundred and thirty, on the twenty-first day of the month of June, in the third indiction, and in the seventh year of the pontificate of the most holy father in Christ and our lord the lord Clement the Seventh, by divine providence, Pope: In presence of me, notary-public, and the witnesses underwritten, personally compeared honourable and discreet men, William Raa, Andrew Edgar, Stephen Bell, Edward Thomsone, John Arras, James Litiljohnne, Adam Baxtar, Edward Hendirsone, and Thomas Andersone, burgesses of the burgh of Edinburgh, as judges, arbitrators, and amicable compositors of the entire set and company of craftsmen, specially chosen and sworn by the underwritten parties, with the consent of the honourable and worthy man, Master Adam Otterburne, provost of Edinburgh, and also with consent of the bailies and deacons of the council of the said burgh, between Alexander Michel, deacon of the Websters of the said burgh, and the rest of the craftsmen and masters of the same craft, on the one part, and John Gray, deacon of the Walkers, and the rest of the craftsmen aud masters of the same craft of the said burgh, on the other part, anent sundry contentions and debates concerning these parties respectively, and chiefly anent the craftsmen of Bonnetmakers, as to which of the foresaid craftsmen they ought to be incorporated, annexed, and adjoined with, and in regard to the place and position of the same in general processions whatsoever, the men above-written, judges, arbitrators, and amicable compositors, not led by force or fear, but long reasoning and mature deliberation being previously had at divers times to the effect above-written, and being convened together, with unanimous consent and assent, without any disagreement or change whatever, with consent also of the aforesaid parties there present, who having touched the holy evangelists of God, they swore for themselves and their successors, henceforth to observe the decree of the said judges, and not to contravene the same in any way in time coming; as in the said decree-arbitral made thereupon, in the common tongue, is more fully contained. The tenor of the decree-arbitral, of which mention is above made, follows word for word, and is thus:]

At Edinburgh, the xxi day of Junij the yeir of God jm vc and thretty yeiris, we Williame Baa for the brethir of the Smythtis, Andro Edgar for the Tailyeouris, Stevin Bell for the Skynnaris, Edward Thomsone for the Baxtaris, Johnne Arras for the Barbouris, James Litiljohne for the Cordinaris, Adame Baxtar for the Wrichtis and Masonis, Edward Hendirsone for the Flescheouris, and Thomas Andersone for the Furrouris, as jugis arbitratouris and amicable compositouris coniunctlie chosin sworne and admittit be avise and consent of the provest baillies counsail and the haill communite of the craftismen of the said burgh betuix Alexander Michel dekin of the Wobstaris and the laif of the masteris and brethir of the said craft one that ane part, and Johnne Gray dekin of the Walkaris and Scheraris and the laif of the hedismen and masteris of the said craft one that vther part, anent the contentioun and debait betuix the saidis brethir and communite of the Wobstaris Walkaris and Scheraris, and specialie anent the brethir of the Bonetmakaris to quhome thai suld be incorporat vnit and annexit, to be vnderneth ane ouerman or dekin equalie to be chosin yeirlie amangis thame, to proceid gang pay and fulfill thair dewiteis with thame in reparatioun of ane altare, processionis and vtheris conuentionis neidfull, and to haue thair place in the samyn conforme to all vtheris craftis and sectais within the said burgh, the quhilkis partiis beand oblist and suorne to stand abid and fulfill oure decreit deliuerance and finale sentence anent the mater foirsaid; and we the saidis jugis takand the said mater in and vpone ws, and inlikuis oblist and sworne to deliuir thairintill eftir oure vndirstanding and knawlege, all in ane voce, the richtis resonis and allegationis of baith the saidis partiis be ws sene vnderstand considerit and riply auisit and matur deliberatioun had thairupone, for stanching of pley vnite concord and tranquilite to be amangis thame and thair successouris in all tyme tocum, decretis deliueris ordanis and for finale sentence arbitrale gevis that the Scheraris Walkaris and Bonetmakaris sall pas all togidder vnder ane hedisman dekin or oureman equalie chosin amangis thame as said is in all processionis generale and all vtheris conuentionis and counsalis neidfull amangis thame, to be ouresene considerit and vesiit and to obey to him as thair oureman siclik as vtheris craftismen obeyis to thair dekin or oureman in reparatioun of ane altare and sustentatioun of ane chaplane to the samyn, and in all vtheris thingis vsit and wount in tymis bigane amangis thame, and to haue thair place in all generalle processionis and conventionis with thair banneris and serimontis betuix the Flescheouris and the Barbouris, becaus the saidis Scheraris Walkaris and Bonetmakaris war incorporat vnit and annext all togiddir vndir ane oureman of befor of thair avin desiring and consent with the auis of the provest baillies and communite of the said burgh, as ane obligatioun and contract of thair annexatioun vndir the common seill of the said burgh maid and gevin to thame thairupone mair fullelie proportis; and that inlikuis the saidis Wobstaris pas all togiddir vndir ane dekin with thair banneris and vtheris derayis in proces sionis and generale conuentionis in thair auld place vsit and wount to thame of langtyme bigane passit memore of man, that is to say betuix the Baxtaris and the Tailyeouris, and that ilkane of the foirsaidis partiis stand afald lele and trew in freyndlie luf and kyndnes till vtheris in tyme tocum, and quhilk of the saidis partiis that makis any incontentatioun troubill or impediment in the mater foirsaid and kepis nocht this our decreit arbitrale and sentence in all thingis aboue expremit, the party contendand or failyeand ony maner of way to be banist the toun or to be punist at the discretioun of the provest baillies and counsaill of the said burgh for the tyme as thai think cause, with assistance of the haill craftismen nixt eftir the failye be notourlie knawin to the saidis provest baillies and counsaill of the said burgh; and gif thair be ony terme doutsum or obscur in the premissis the interpretatioun and declaratioun thairof to be referrit to the jugis arbitratouris forsaidis. And for the obserayng fulfilling of this our foirsaid decreit arbitrale and deliuerance aboue written and euery poynt thairof, baith the saidis partiis ilkane till vtheris ar bund oblist and sworne inuiolably to obserue the samyn for thame and thair successouris be the vphalding of thair richt handis, the haly Euangelis tuichit, and neuir tocum in the contrar vnder the panis aboue expremit, and of provit infirmite and inabilite in presens of ane notar and ws jugis arbitratouris in ratificatioun and approbatioun of thair first aith maid to ws of befor thairupon. And this our decreit arbitrale and finale sentence to all and sindry quhome it efferis we mak it knawn. In witnes of the quhilk we the saidis jugis arbitratouris hes subscriuit this our decreit arbitrale with oure handis at the pen, day yeir and place forsaidis, before thir witness Andro Michel, Johne Bane, Archibald Mowbray, Schir James Huntar, Schir Johne Hendersone, and Sir Williame Thomsone, chaplanis, with vtheris diuers. Sequuntur subscriptiones judicum arbitratorum superscriptorum de quibus supra fit mentio [Follow the subscriptions of the judges arbitrators above written, of whom mention is made above] Androu Edgar, Edward Thomsone, James Litiljohne, Edward Hendersone, Johne Arras, Williame Raa, and Stevin Bell, with owr handis at the pen, and Thomas Andersone with my hand. Super quibus omnibus et singulis dicte partes hinc inde a me notario publico subscripto sibi fieri petieruntet quiiibet earum pro se petiit vnum seu plura publicum seu publica instrumentum siue instrumenta. Acta erant hec infra insula beati Johannis euan geliste infra eclesiam collegiatam de Edinburgh situatam, hora duodecima ante merediem sub anno mense die indictione et pontificatu quibussupra; presentibus ibidem discretis viris dominis Jacobo Moffet, Johanne Hendersone, et Willelmo Thomsone capellanis, cum diuersis aliis testibus ad premissa vocatis specialiter atque rogatis. [Upon which, in all and sundry, the.said parties for their own part, and each of them for himself, asked from me, notary-public, a public instrument or instruments, one or more, to be made. These things were done in the aisle of St John the Evangelist, situated within the collegiate church of Edinburgh, at the twelfth hour before noon, in the aforesaid year, month, day, indiction and pontificate; being present discreet men, Sir James Moffet, John Hendersone, and William Thomson, chaplains, with divers other witnesses specially called and required to the premises.]

Et ego Willelmus Wychtman artium magister clericus Sanctiandris diocesis publicus sacra auctorite apostolica notarius, etc. [And I, William Wychtman, master of arts, clerk of the diocese of St Andrews, notarypublic, &c.l.

25 June 1530.

GeorgeM'Turk and others to be brynt on the cheik and bannist.

The quhilk day, forsamekle as George M'Turk and Male Mudy his spouse, Marione Suddirland and Alisone Bird, has brokin the statutis of the toune, havand a barne seik in thar hous thir iij dais bigane in this contagius: seiknes and wald nocht reuele the samyn to the officiaris quhill it was deid, quharfor the bailies and counsall ordanis that thai be all brynt on the cheik; and because Marione Suddirland brocht the said seiknes in the hous and wald nocht tell the laif, scho to be banist all the dais of hir lyf vnder the pane of deid, and the laif bannist induring the tovnis will.

1 July 1530.

Patrik Gowanlok bannyst.

The quhilk day, forsamekle as it wes cleirlie vnderstandin that Patrik Gowanlok, fleschour, duelland in the Abbot of Melros lugying within this toune, has had ane woman infekkit with the pestilens thir x dais in his house and revelit nocht the samyn to the officiaris of the toune as was ordanit be the statutis of bef or maid therapone, and als had ressauit strangearis in his lugying, he being inclusit obefor and suspicious, tharfor it is diuisit and ordanit be the prouest bailies and counsall that the said Patrik Gowanlok has tynt all fredome and priuilege of this toune, and he and all his successione bannist this tovne for euer vnder the pane of dede; and at the half of his movable gudis be applyit to the commoun workis of this toune for his defalt; and als that his seruand woman callit Jonet Cowane, quhilk is infekkit, for hir conceling the said seiknes and passand in pilgrimage scho haiffand the pestilens apone hir, that scho salbe brynt on baith the cheikis and bannist this toune for euer vnder the pane of deid. And quha that lykis till see justice execut in this mater that thai cum to the Grayfreir port incontinent quhar thai sall see the samyn put till executioun.

16 July 1530.

[Piece of waste land given to provest of the College Kirk.]

The quhilk day, the prouest baillies and counsale hes gevin and grantit to Mr Robert Creychtoun, prouest of thair College Kirk, the littill pece of waist land of thair kirk yaird equally discendand fra the chalmer new biggett for the curate downe throw as the said chalmer strekis to the nether end of the said prouests yaird, for policy to be bigget be the said prouest thairintill, becaus it wes before ane midding and commoun sege till all persouns.— (On ane lowse leiff.—Tr.)

2 August 1530.

In presentia.

Dauid Duly to be hangit.

The quhilk day, forsamekle as it was perfytlie vnderstand and kend that Dauid Duly tailyour has haldin his wif seyk in the contagius seiknes of pestilens ij dayis in his house, and wald nocht revele the samyn to the officiaris of the toune quhill scho wes deid in the said seiknes, and in the meyn time the said Dauid past to Sanct Gelis kirk, quhilk was Sonday, and thair said mes amangis the cleyne pepill, his wif beand in extremis in the said seiknes, doand at was in him till haif infekkit all the toune, for the quhilk caus he was adiugit to be hangit on ane gebat befor his awin dur, and that was gevin for dome.

Wille Myllar to be brynt on the cheik.

The quhilk day, forsamekle as it was cleirly vnderstandin that Wille Myllar tailyour has brokin the statutis of the toune, puttand a woman furth of his house beand seik in the contagius seiknes of pestilens at his awin hand, nocht schawand the samyn to the officiaris of the tovne, for the quhilk cause he was ordanit to be brynt on the cheik and bannist this tovne, for the indurand the provest ballies and counsallis willis.

Duly banist and nocht hangit becaus the raip broke.

The quhilk day, forsamekle as Dauid Duly was decernit this day befor none for his demeritis to be hangit on ane gebbat befor his dure quhar he duellis, nochtwithstanding because at the will of God he has eschapit, and the raip brokin and fallin of the gibbat, and is ane pure man with small barnis, and for pete of him, the prouest baillies and counsall bannasis the said Dauid this tovne for all the dais of his lyf, and nocht to cum tharintill in the meyntyme vnder the pain of deid.

Wille Myllar bannist.

The quhilk day, forsamekle as Wille Myllar was decernit this day befor none to be brynt and bannist this toune for his demeritis, and because it is nocht vndirstandin quhether he be foule or clein man thro the quhilk he mycht be handillit and executione of byrnyn maid apone him, tharfor the prouest ballies and counsall dispensis with the byrnyn of the said William unto the tyme that he be clengit, nochtwithstanding the provest ballies and counsall bannasit him this tovne indurand thar willis, and nocht to cum tharintill quhill he optene licens.

3 August 1530.

Statuta anent the clenging.

We do you to wit, forsamekle as thar is mony and sindry nichtbouris of this toune men wyffis and barnis that ar past to landwart till eschew the danger of the seiknes of pestilens, and now we ar informit and als greit murmur rissin that the said seiknes brekis and spreddis vtouth the toune in diuers placis, quharthrow greit apperand danger may cum be the saidis personis that ar fled in thar incummyn agane to this tovne, quharfor we charge straitlie and commandis in our Souerane Lord the Kingis name, provest ballies and coun sall of this burgh, that nane of the saidis personis that ar past out of the toune in syk kynd return nor cum within the samyn agane vnto the tyme thai byd at the port and aduerteis the officiaris of the incummyn, vnder the pane of thame that ar folkis of substans of xx^tipundis to be tane of thame and applyit to the pure folkis and commoun werkis of the tovne, and gif thai be pure and may nocht pay the said vnlaw, to be bannist indurand the townis will.

The quhilk day, the prouest ballies and consall hes deuisit statut and ordanit, forsamekle as thar is diuers personis within this toune quhilkis has had infectioun within thar housis, and thar selffis vnremouit of the toune of the mure, bot clengit and deuidit thameself amangis vther housis, quharthrow gude prouisioun suld be maid for the clengyng of thar geir reparyng and vsing of thar housis and buthis, quharfor it is diuisit and ordanit, that all syk personis that will tak on thame and thar lyffis that thar geir is cleyne, that thai sall bring all thar haill houshald wyf barnis and seruandis till thar duelling hous, and thar handill all thar gudis and remane with thar geir xv dayis; and safer as possible is that the officiaris of the tovne be sekyr, that thai handill thar said geir in this maner, that is to say, that thai stand befor thar durris and se the saidis personis and thar barnis bring thar said geir in thar armys and handill the samyn, and at the saidis personis mak faith that thai haif na vther geir na thai schaw to the saidis officiaris; and als that thai handill syklyke all the geir being in thar buthis with thar houshald and barnis, and outher remane with thar geir a certane tyme in thar buthis or ellis to bring thar said geir to thar duelling hous and thar intromett and handill the samyn as is aboue wryttin.

17 August 1530.

Anent the clengyng.

The quhilk day, it is diuisit and ordanit, anent the clengying of all thame that has bene infekkit in this contagius seiknes of pestilens, that all maner of personis that has bene on the muire infekkit in the said seiknes, or thai that has bene amangis it and will nocht tak the samyn, and has clengit thar geir on the mure be thaimself and nocht sene be the officiaris sua that the officiaris may haf na experiens quhither thar geir be ordourly and perfytly clengit or nocht, tharfor it is ordanit that the ballie of ilk quarter pas and visy all thai personis and thar geir and se that thai be now clengit perfytlie, sua that the toune may be sekyr tharof in tyme tocum.

Niniane Johnnesone in Sanct Mary Wynd is clengit and past his way in the contray till wyn his leving at the command of the provest, and hes oblist himself that thar sall na danger cum throw him, vnder the pane of died.

Matho Windiyettis duelland in ane house at the Ouir Bow hes oblist him siclike quhilk is clengit.

30 August 1530.

Statuta anent the clenging.

The quhilk day, it is statut and ordanit that all the personis that ar clengit, and has na barnis till tak the sey of thar geir efter the forme of the first actis, that the ballie of the quarter tak thai personis and thar geir furth agane to Drummyscheuch and clenge all thar geir agane of new, and that als weill to the personis that are ellis within the tovne as thai that ar to cum within the samyn; and quhar thar is barnis to tak the sey of thar geir, till proceid efter the forme of the first act maid therapone; and als quhar thar is ony pure vyle personis duelland within thar quarter, that the lard of that land quhar thai duell sall fynd souerte to the ballies that thai sall remoif at the next terme, or ellis that the tovne salbe skaithles of thame in tyme to cum.

2 September 1530.

[Sandi Murray and Robert Boid banished.]

Sandi Murray duelland in Murray, Robert Boid duelland in Cunygahame, ar bannist this toune for thar demeritis vnder the pane of cutting of thar luggis.

9 September 1530.

Pro Johanne Yong et Roberto Henrison.

ix Septembris anno etc. xxx, hora x ante merediem, indictione 3, pontificatus Clementis Pape septimi anno vii° [Ninth September, in the year, etc. thirty, in the tenth hour before noon, in the third indiction, and in the seventh year of the pontificate of Pope Clement the Seventh] John Yong, the son and air of vmquhile Johne Yong, burges of Edinburgh, grantis him till haue ressauit fra Robert Henrison his gudfader and Katerine Forest his moder all and sindry his movable guidis of airschip pertenand till him throw deces of his said vmquhile fader, viz. a masser of siluer ourgilt, a peis of siluer, a spone, ane chargeour, ane plait, ane pot, ane pan, ane quart stop, pynt stop, ane comptar, a furnist bed, ane almory, ane chimnay, ane waistaw, a schryne, ane chyrater, a form, and all vther his gudis of airschip quhatsumeuer pertenand till him; quhilk gudis of airship the said Johne Yong has deliuerit and laid in wed to Schir Greorge Heslihop, chaplane, apone the sovme of xl lib. vsuall money of Scotland; and quhat tyme that euer it sall happin the said John or his airis till pay the said sovme of xl lib. agane to the said Schir George his aris executouris or assignais, the said Johne till haif full fre regres and ingres in and to all and sindry his said airschip gudis, frely to be deliuerit to him but ony obstacle or impediment, as fre as he had the said airschip gudis or he laid the samyn in wed of the said sovm: Apon the quhilk bath partiis askit instrumentis: Acta in domo habitacionis Roberti Henrison: Testibus Roberto Haliburton et Thoma Mosman. [Done in the dwelling-house of Robert Henrison. Witnesses, Robert Haliburton and Thomas Mosman.]

30 September 1530.

The statute that landislardis remoif husseis and vile personis out of thar houssis.

It is statut and ordanit be the prouest bailies and counsall, that all maner of personis that hes land or housis within this toune quhar ony hussis vile personis or vagabundis duellis in, that wantis husbandis to wyn thar liffing, that the saidis personis landis lardis discharge syk husseis and put thame furth of thar houssis within xvi dais nixtocum, vnder the pane of xl s. to be tane of ilk landis lard that falis heirintill; and als ordanis the saidis wemen and vagabundis that thai remoif furth of the toune within the said space of xv dais, vnder the pain of bannasing of the toune for all the dais of thar lyf; and als that all yong fallowis that ar vagabundis remoif thaim out of this toune within x dais, vnder the pain of bannasing for euer.

That nane gif woll till card nor spyne.

Item, it is statut and ordanit that na maner of persoun within this burgh gif ony woll to card or spyn out of thar awin houssis to na persone bot gif it be till honest wedowis or honest falit personis houshaldaris, vnder the pane of xl s. to be tane of ilk persone that giffis furth the said woll, but fauouris.

Anent the parsonis that sall brew aill.

Item, it is statut and ordanit that na maner of persone brew nor tap aill within this toune bot fremen or fremennis wiffis, wedowis, except honest personis that salbe admittit be the provest and bailies, vnder the pane of bannasing of the tovne.

Anent Hukstaris.

Item, it is statut and ordanit that thar be na hukstar man nor woman tholit within this toune nothir to sell wyld foule, tayme foulis, butter, eggis, cheis, fische, aittis or hay, or ony vther stuf, fra xv dayis furth nixt to cum, except thame that ar admittit be the pro vest, vnder the pane of bannasing of the tovne.

Penes infirmitate; and cuming in Sanct Gelia Kirk.

Item, it is statut and ordanit that na maner of persone man nor woman that has bene put furth to the mure in this contagius seiknes, and clengit, that nane of thame cum within Sanct Gelis Kirk amangis the vther cleyne folk quhill thai optene licens of the prouest and bailies of the toune, vnder the pane of banasing of the toune.

Statuta penes infirmitate.

It is statut and ordanit be the prouest bailies and counsall, forsamekle as thar has bene diuers personis infekkit within this toune with this contagius seiknes and wald nocht revele the samyn to the prouest and bailies of this burgh in dew tyme efter the forme of the statutis of the tovne maid tharapone, and for pite thai war nocht pvnist efter the forme of the saidis statutis, quharfor yit as obefor, we command and charge in our Souerane Lord the Kingis name, provest and bailies of this burgh, that all maner of personis within the samyn that gif ony seiknes happinnis in thar houssis in tyme to cum, that thai reueil the samyn till thar narrest nichtbouris incontinent, and command thaim till schaw the samyn till the officiaris of the toune; and at thai hald thaim be thameself seuerall fra all vther personis and thoill nane cum to thame, vnder the pane, gif thai be pure folkis, of byrnyn of thar cheikis and bannasing of the toune for all the dayis of thar lyf and neuer to cum tharintill vnder the pane of deid, and gif thai be folkis of substans, vnder the pane of eschaet of all thar gudis to the commoun werkis of the tovne, and bannasing of thame self for all the dais of thar lyf; and at thai put na seik folkis furth of thar houssis till na vthir place, without avyse of the povest bailies and of ciaris, vnder the saidis panis. And als, that na maner of personis maister nor seruand pas furth of thar houssis fra viij houris at evin furth in the wynter sesoun without bowet or vthir licht to convoy tham, vnder the pane of xl s. to be takin of the maister als oft as he falyeis, and viij s. of the seruand. And that na maner of persone tak vpon hand to by or tak in wed ony maner of claith, nothir lynnging nor wowne, auld or new, quhill this seiknes be repressit, vnder the pane of byrnyng of thar cheik and bannasyng of the tovne for euir.

4 October 1530.

Patrick Gowanlok.

The prouest bailies and counsall remittis and consentis that Patrik Gowan lok cum and duell within this toune as he wes wont till do, and admittis him till vse and bruik all fredomes and preuilegis that he had obefor, and ordanis that he tak all his gudis furth of the luigeing he duelt in and haif the samyn to the place quhar he purposis to duell in, to be handillit and intromittit with be himself barnis and seruandis continuallie efter the forme of the actis of the toune.

6 October 1530.

Katryne Heriot to be drownit in the Quarell hollis.

The quhilk day, Katryne Heriot is convict be ane assise for the thiftus steling and conseling of twa stekis of bukrum within this tovne, and als of commoun theift, and also for the bringin of this contagius seiknes furth of Leith to this tovne, and brekin of the statutis maid tharapone; for the quhilk causis scho is adiugit to be drounit in the Quarell hollis at the Grayfrere port now incontinent, and that wes gevin for dome.

Margret Baxter banist.

The quhilk day, Margret Baxter put hir in the prouest and bailies will for resetting of Katryne Heriot that commoun thef, for the quhilk cause scho is banist this tovne for all the dayes of hir lyff, induring the prouest and bailies will and till devoid incontinent.

8 October 1530.

Issobell Bowy, Kate Boyd, Besse Andir sone bannist.

The quhilk day, forsamekle as Issobell Bowy and Kate Boyd, being inclusit clusit within thar houssis for suspitioun of this contagius seiknes, opinnit ane feeder bed and tuke furth of the samyn fedderis to the quantite of half a staine and send thame till Besse Andirsone to sell, doand at wes in thaim till infect the haill toune, for the quhilk caus thai ar bannist this toune for all the dais of thar lyf, indurand the provestis will. And syklyk the said Besse Andirsone for the ressetting of the said fedderis is bannist this toune indurand the said prouestis will.

Selling of aill.

It is statut and ordanit that na maner of brouster nor dry tapstar within [this] burgh tap nor sell ony aill fra this tyme furth bot for xvi d. the galloun, vnder the pane of spanyng fra the operacione for yeir and day.

Anent the seiknes

We dow vow to wit, forsamekle as God of his speciall grace has prouidit Anent swa for this gud toune that all danger is past and na apperans of ony infectione nor has bene thir viij dayes past, nochtwithstanding it is thocht verray profitable that the auld reule be obseruit and keipit continualy for all the sessioun of this year to cum, swa that we be nocht dissauit, that euery persone, quhen ony seiknes happinnis in thar housis, revele the samyn incontinent to the officiaris of the toune according to the auld actis and statutis maid tharapone, under the panis of byrnyng and bannasing of the toune for euer.

26 October 1530.

[Burgh Court.]

Curia burgi de Edinburgh, tenta coram Willelmo Sym et Alexandro Belschis balliuis, vicesimo sexto die mensis Octobris anno Domini j^m v^c xxx [Court of the burgh of Edinburgh, held in presence of William Sym and Alexander Belschis, bailies, the twenty-sixth day of the month of October, in the year of our Lord one thousand five hundred and thirty.]

Assisa.

Marione Clerk to be drounit in the Quarellhollis.

Marione Clerk convict be ane assis for the conceling of this contagius seiknes, scho haiffand the samyne apone her rynnand thir x or xij dayes bigane, scho past amangis the nychtbouris of this tovne to the chapell of Sanct Mary Wynd on Sonday to the mes and to hir sisteris hous and vther placis quhar scho lykit, the pestylens and seiknes beand apone hir, scho doand at was in her till haif infekit the haill toune, for the quhilk caus scho wes adiugit to be had to the quarell hollis and thair to be drounit quhill scho be deid.

10 November 1530.

[Sureties of the brousters.]

Thir ar the souerteis of the broustaris that thai sail obseruice and keip the statutis of the toune quhill Michelmes nixt to cum. In the north est quarter, viz. fra the Loply stane till Lord Bortheks cloiss, quhilk William Sym is ballie of:—

James Wr souertie for Robert Henrysonis wiff ane Gele Hunter that thai sall obserue and keip the statutis of the toune quhill Michelmes nixt to cum, vnder the pane of xl s.

[Here follow one hundred and four similar entries.]

In the south west quarter, fra Lord Borthikis cloise to the castin hill, quhilk Johne Mauchane is baillie, of, xiij Novembris anno I^m v^c xxx:—

James Mathesone souirte for his wiff vnder the pane of xl s.

[Here follow sixty similar entries.]

Thir ar the sourteis of the broustaris in the north west quarter, fra Alexander Cantis clois [to the]Castill hill, quhilk Williame Adamsone is ballie of:—

George Alane souirte for his wiff vnder the pane of xl s.

[Here follow thirty-nine similar entries.]

Thir ar the souerteis of the brostaris in the north est quarter, fra the Nether Bow to Alexander Cantis clois, quhilk Alexander Belschis is baillie off, xij Nouembris anno Domini etc. v^c xxx.

Henry Lorymer is becummyn soueerte for his wif vnder the pane of xl s.

[Here follow thirty-three similar entries.]

15 December 1530.

Statuta pro Infirmitate.

We do yow to wit that, forsamekle as this contagius seikness is rissin and spreid in Leth, quharfor we charge straitlie and commandis in our Souerane Lord the Kingis name, provest and ballies of this burgh, that na maner of personis of Leith that ar suspect of this contagius seikness, or that has bene in suspect place, cum or repair to this toune or intromet with ony persone of this toune under the pane of deid, and als chargis that na maner of persone man nor woman of gthis tovne to repair to ony suspect place in Leith; and that nane send thar seruandis about malt, bot at the principall of the hous outher the wif or the man pas thame self for thar malt, vnder the pane of bannasing of this toune for euer. And als chargis straitly and commandis that na maner of persone man nor woman tak in wed or by ony clais, lynnyn or wollin fra ony of Leith or vther placis vnder the pane of bannasing. And that nane seruand woman within this tovne tak ony maner of clais to wesche fra ony persone quhen thai pas to the waltir bot thar awin masteris claithis, vnder the pane of bannassing of the toune for euer.

Foule folk on the mure.

We do you to wit, forsamekle as James Barbour master and gouernour of the foule folk on the mure is to be clengit, and has intromettit with sindry folkis gudis and clais quhilkis ar lyand in Sanct Rokis chapell; tharfor all maner of personis that has ony clame to the said gudis that thai cum on Tysday nixt tocum to the officiaris and thar clais to be clengit; certyfyand thaim and thai do nocht, that all the said clais gif thai be of litill availl salbe brynt, and the laif to be gevin to the pure folkis.