10 January 1566–7.
Compeirit Robert Wans, in Leyth, and producit ane writting of our
Soueranis to delay the taking of ony forther possessioun of the towne of
Leyth quhill the last day of Apryle nixtocum, off the quhilk the tennor
followis:—(Blank)Quhilk writting wes delyverit be William Stewart to
maister Robert Glen, baillie, to mak ane bill wpoun to our Soveranis, with
the awys of maister Thomas M'Calyeoun and maister Richert Strang,
and as yit wndelyverit agane.
31 January 1566–7.
Anent the prowestis ox.
The prowest baillies and counsall ordanis Hectour Trovp to pay to
Williame Thomsoun, fleschour, the sowme of twelf pundis for the prowestis
ox, and that of his awin consent becaus he intromettit with the dewitie of
the faris of Trinitie and Alhallo.
Playaris in the kirk.
The prowest baillies and counsall ordanis proclamatioun to be maid
throuche this burgh be the belman thairof, dischargeing all induellaris
within the samyn, maisteris of scolis or vtheris haiffand cure of the
youtheid of this burgh, that thay suffer nane of the barnis vnder thair
correctioun to frequent to the kirk to play thairinto, as thai will ansuer to
the magistratis, and certefeing thame that sic barnis as salbe apprehendit
playand in the said kirk salbe imprisonit at the will of the magistratis
efter that thay be quhippit with wandis, quhilk proclamatioun wes maid
that samyn day throuch this burgh be the said belman.
[The provost bailies and council,] considering the greit hurt incurrit
be the burgh of Edinburgh and commoun weill of the samin throw
wantting of ane procuratour fiscall to persew and defend in thair commoun
actiounis and previlagis, quhilk ar oursene, with the pvneissing of sic as
transgressis thair actis and statutis, and haifing consideratioun that
Alexander King, procuratour, is maist meit thairfoir, be ressoun he hes be
ane lang space bigane bene clerk of thair court and kennis the mereittis
of the commoun caussis belanging to this burgh and prevelagis thairof,
and hes insistit in the tounis name in persute of the brekkeris of the saidis
prevelagis and vtheris diuers actiounis of this burgh, and obtenit decreittis
aganis thame with the said burgh for the quhilkis laubouris he hes had
na recompensatioun rewaird nor payment as yit; quhairfoir thai,willing
that he be recompensit for his travellis ellis tane, and that he haif ane
yeirlie pensioun induring thair will, to accept the said office vpoun him
and to libell thair letteres, clamis, petitiounis, defenssis, ansueris and writtis
necesser, in persute or defence of thair caussis and prevelagis foirsaid,
and to procure in the samin in tyme cuming, ordanis [the treasurer
to pay him ten pounds for past services and ten merks yearly in time
11 February 1566–7
The prowest baillies and counsall ordanis Jhone Westoun, thesaurar,
to caus tak away the hevyn wark of the bak dure at the prouestis logeing
of the kirk of Feild and to big vp the samyn dure with lyme and sand.
26 February 1566–7.
Chesing of thesaurer.
[John Harwod chosen treasurer in room of John Westoun, "depairtit and
deid at the plesour of God."]
8 March 1566–7.
Ressait of xmmerkis.
In presens of the provest baillies and counsall foirsaid, comperit
Johnne Chisholme, comptrollour to our Soveranis arteilyere, and confest
him to hawe ressawit fra the baillies of this burgh compleit payment of
the sovme of ten thousand merkis wsuall money of this realme debursit
be the towne of Edinburgh wpoun the superioritie of Leyth, and that at
our Soveranis command for payment of thair graces men of weir and
setting fordwart of arteilyery the tyme thair graces past to the waist
12 March 1566–7.
The quhilk day, deliuerit, at the baillies counsallis command, to
maister Jhone Craig, minister, the writting of the lordis of secreit counsall
direct to the prouest and baillies of this burgh for taking of ordour
and setting of taxt for sustening of thair ministerris, makand mentioun
that hir grace had gevyn the annuallis for that effect; and this to schew
to our Souerane for obtening of the signatouris of the said annuallis
19 March 1566–7.
In presens of the prowest baillies and counsale, comperit Dauid
Rowane, maister iuellar to our Souerane, and declarit that the castell of
Edinburgh is to be randerit furth of the handis of my lord Erskyn, and
thairfor desyrit the prowest and baillies to pas to our Souerane and seik
deliuerance of thair artalyere being within the samyn, quhairof thai had
his handwrit, and gif thai did nocht, protestit that he war nocht haldin
heirefter to mak compt of thame, becaus it wes incertane to him quha wes
to be maid capitane, and thairvpoun askit instrumentis.
4 April 1567.
Steking of the kirkyaird yet.
The prowest baillies and counsall ordanis maister Jhone Prestoun,
dene of gyld, to caus clenge the filthe about the kirk, and to caus steik
the gret yet on the est syde of the kirk yaird sua that the laddis get na
interes to mak the samyn ane symmar feild and to brek the glas
11 April 1567.
The prowest baillies and counsall ordanis the belman to pas throuche
this burgh and discharge the bikeraris, vnder the pane of hanging of sic
as ar of age and scurgeing of sic otheris as ar nocht of age, quhilk the said
belman proclamit that samyn day and hes yit in his handis.
24 April 1567.
[The dean of guild ordained "to caus paint the letteris of the orlage."
Three personis appointed "to talk with the man that hes the orlage to sell,
desyrit to be set vp at the Nether Bow, drif it to ane price, and report to the
7 May 1567.
New wall besyde the kirk of feild.
[The bailies and council] ordanis Jhone Harwod, thesaurar, to caus
big the wall of the toun decayit and fallin doun on the southe syde of the
prowest of the Kirkfeildis logeing to be biggit vp of lyme and stane,
conforme to the heicht and thiknes of the new wall ellis biggit, and
to pas lineallie with the samyn to the wall of the kirkaird of the said
kirk, and that he leif na dure nor entre in the said new dik bot that
the samyn be maid masse wall, and to gif tuentye fyve pound for ilk
12 May 1567.
Salt pannis at Newhavin.
[The bailies, council, and deacons of crafts,] all in ane voce, findis
gude and consenttis that ane pairt of thair Newhavin be set in tak
to Anthonie Hikman, Jhone Achille and Cornelius du Vois, Inglischemen,
for the space of fyftie yeris, and that the commoun sele of this burgh be
16 May 1567.
Ground at Newhavin.
[Fourteen persons appointed] to pas to the Newhavyn and vesye the
ground desyrit be Anthonie Hikman, Jhone Achille and Cornelius du Vois
to be set to thame in tak for making of salt, and to caus met and mesoure
the samyn, and to report to the counsall the quantitte and situatioun
The counsall granttis and gevis to Johne Hepburn, porter of the
castell, his burgeschip frie, in hoip of gude seruice to the nychtbouris of
4 June 1567.
Setting of ane part of thair Newhavin to mak salt.
[The provost, bailies, council, and deacons of crafts consented that a portion of
their lands lying on the south side of the Newhaven, "contenand twentie thre fall
of lenthe and sextene fall in breid, ilk fall contenand sex elnis Scottis," should be set
to the three Englishmen before named, for the space of fifty years "to mak salt in."
On 18th June three tacks for the periods of 19, 19, and 12 years, respectively, were
granted, and are entered at length in the council record.]
11 June 1567.
[Incoming of lords to town.]
The prowest baillies counsall and dekynnis names Eduard Lytill,
baille, William Foullar of the counsall, and Michaell Gilbert, gold smyth, to
pas to Dunbar to oure Souerane, quha wes thair for the tyme with James
Hepburn duke of Orknaye lord Boithwell, admirall, etc., to excus the gude
toun and schew thair pairt anent the incuming and entering in this toun
of my lordis Athoill, Montrois, Morton, Mar, Glencairn, Home, Lyndesaye,
Ruthven, Sanquhair, Sympill, Tulibardyn and Grange, etc, quha had convenit
thame self in armis for pvnesing of king Harye Stewartis murthure,
putting of our Souerane to libertie, dissolving of the mariage betuix our
Souerane and the said Duke and forteficatioun of James Stewart, Prince
of Scotland, and son to the said vmquhile Harye.
The samyn day, the baillies and counsall ordanis Jhone Harwod,
thesaurar, to content and pay to Jaques and his peple x s. quha playit
afoir the toun the x day of Junii instant the tyme of the incuming of the
lordis abone writting.
18 June 1567.
Anent the making of burgesses.
The prowest baillies and counsall, vnderstanding the greit skayth
and dampnage sustenit be the inhabitantis, fremen of this burgh, be
making of outlandis men, having nother wyf, barnis, familie, stob nor staik
within the samyn, burgessis of the said burgh, nochttheles the saidis outlandis
burgessis duellis outwith the burgh and passis throw the cuntre,
foirstallis skyn, hyde, and other merchandice, and traffectis in selling bying
and saling, nochtwithstanding the quhilkis thai eschaip fra taxtis stentis
and all otheris portable chargis, and can nocht be apprehendit nor causit pay
nor do the samyn be ressoun thai haif nother stob nor staik as said is, incontrair
the commoun weill of the samyn, and inlykwys considdering the gret
skaithe and dampnage sustenit be the craftismen of the said burgh be
making of uther townis prentesis and seruandis lyke fre as gif thai had
bene prenteis within this burgh, quhilk is the gret hurt of the said fremen
and thair prenteisis, and contrair the commoun weill of burrowis: For
remeid of the quhilkis, the prowest baillies and counsall, with consent
and awys of the dekynnis of crafts, statutis and ordanis that in tyme
cuming na maner of outlandis men be maid burges or fremen of this
burgh vnto he be mariit and haif stob and staik within the samyn, sua that
he may be apprehendit and compellit to pay taxt and stent and beir his
pairt of sic portable chargis as otheris fremen induellaris within the samyn,
and that na craftisman be ressauit fremen within this burgh bot onle thai
that hes bein prenteis within the samyn and thair prenteship fullelie
outrun; prouiding allwayis that this act preiuge nocht fremennis bairnis
nor prentesis being fullele outrun within this burgh, bot thai sall be
ressauit but stop or impediment, conforme to the auld vse; and this act
to haif strenthe force and effect induring the will of the saidis provest
20 June 1567.
The prowest baillies and counsall ordanis Jhone Harwod, thesaurar,
to deliuer to George Couttis, now being imprisonit in the thevis hoill for
his contempt done to maister Jhone Craig, minister, the sowme of twelf
schillingis sex penneis; and ordanis him to be relevit furth of waird and
convoyit to Leithe and boittit thair be tua officiaris; and this in respect
of our Soueranis writting obtenit to that effect and of his lang impresonment,
and als that thay find him by him self.