London under Richard II (1377–99)
Thes bethe the names of the Maires and Shoreffes of the Cite of
London in the tyme of the renge of Kyng Richard the ije.
|Nicholas Bremble, Maire||Andrewe Pykeman||A° primo|
This yere every man, woman, and childe after the age of xiiij
yere payd to the kynge iiij d.
| (fn. 1) John Philpot, Mayre||Thomas Cornwales||A° ije.|
This yere was a bushell of whete at vj d. And galon of white
wyne at vj d. and a galon of rede wyne at iiij d.
|John Hadle, Maire||John Aylsdon||A° iije.|
This yere was the Parlement at Northampton, and ther was
Kyrkeby drawen and hanged for the dethe of Marshaunt Janyn.
And in the same yere, be for the feste of Seint Michell, were the
gallyes in Temmes brent at Gravysende; and for the same cause was
Sir Rauffe Ferres appellyd. In the same was a bataylle at Westmester
be twene Sir John Aunsell, knyght, appellaunt, and Thomas
Katerton, defendaunt. And in this yere come a grete people oute
of Kentt and Essex to London and brent the Savey and a parcell
of Seynt Johns and the maner of Heybury. And so entryd in to
London and fette oute of the Toure the Erchebysshoppe of Caunterbury,
the priour of Seint Jonys, and a Frere Robert Halys, and
Frere William Appylton, and a Frere Menor, and John Legge, a
sergeaunt of armes, and Richard Somner, were be hedid at Towre
Hill. And Richard Lyons behedid at the Standard in Chepe. And
on the morowe after was William Walworth, Nicholas Brembyll,
John Philpott, and Robert Lawnde, made knyghtis in Smythfeld.
And uppon Samfford Hill was the Erle Marchall, and the Erle
Pembroke, and Syr Nicholas Twyfford and Sir Adam Fraunces,
knyghtes, with in a shortt tyme. And this was called the Hurlynge
|William Walworthe, Maire||Watyr Begette||A° iiije.|
This yere the kynge hade of every man and woman be twene lx
and xvj yere xij d., for the whiche þerysinge afore be ganne.
|John Norhampton, Maire||John Rote||A° ve.|
This yere, the vij day of Januer, on a Saterdaye, Quene Anne
came to the Toure of London, and the Sonday followinge she was
weddid to Kynge Richard the Secounde. And the xxiiij day of
Maye was a grete Erthe quawe.
A post Dunstanum post tempore meridianum
C circulm vixi terre motum tibi dixi. (fn. 2)
|John Norhampton, Mair||Adame Bamme||A° vje.|
This yere the Bysshoppe of Norwyche went in to Flaundres and
slewe many Flemynges. This yere was John Norhamton, John
More, John Norbury, dampned in the Toure of London for certeyne
congregaciouns that were made a yenes þepese.
|Nicholas Bremble, Mair||Nicholas Exton||A° vije.|
|Nicholas Bremble, Maire||Symond Wynchecombe||A° viije.|
This yere the kynge wentt in to Scotlonde with a riall power
and distroyed all the londe to the Scottes see.
|Nicholas Bremble, Maire||John Orgon||A° ixe.|
This yere went the Duke of Lancaster in to Spayne for to chalange
|Nicholas Exstone, Meir||William Staunton||A° xe.|
This yere was the Erle of Arondell mad Amell of the see, and
toke in that yere lxxxxx (fn. 3) shippis of enmyes and mo with xiiijmlton
|Nicholas Exston, Mayre||William Venor||A° xje.|
This yere was a grete dissencion amonge the lordis, that is to
sey, the Duke of Glowcester, the Erle of Derby, the Erle of
Arondell, the Erle off Warwyk, and the Erle of Notyngham, a gayne
the Erle of Oxynford, and the Erle of Southfolke, and the Erchebysshope
of Yorke, Sir Robert Tresylyan, and Sir Nicholas Bremble,
the whiche Sir Robert and Sir Nicholas were drawen and hanged,
and the Erle of Oxynforde and the Erle of Southefolke fled in to
Braband, and ther died, and the Erchebysshuppe of Yorke fled in
to Scotlonde and ther died, and all ther godes fell in to the kynges
|Nicholas Twyffor, Mair||Thomas Austyn||A° xije.|
|William Venor, Maire||John Walcotte||A° xiije.|
This yere was a grete Pestylence.
|Adame Bamme, Maire||Thomas Vyment||A° xiiije.|
|John Hende, Maire||Harry Vanner||A° xve.|
This yere was the Mayre and bothe the Shoryves were putt
downe of her offyce, and Syr Edwarde Delyngrege made wardeyn
by the kynge. And after him Syr Bawdewyne Radynton in the
xv yere of the kynge and Gebonde Mandfeld and Thomas Newnton
chosyn Shoreffys, and London rawnsoned at a ml marke.
|William Staunton||Gylberd Mansfeld||A° xvje.|
|John Hadle, Maire||Drue Barentyn||A° xvije.|
This yere on Witsondaye dyed Quene Anne and lithe at Westmester;
and in the same yere the kynge wentte in to Irlonde and
toke all the rebelles of that londe.
|John Fresshe, Meire||Thomas Knollys||A° xviije.|
This yere came the kynge oute of Irlande.
|William More, Maire||Roger Elys||A° xixe.|
|Adame Bamme, Maire||Thomas Welford||A° xxe.|
This yere Quene Isabell was wedded to Kynge Richard at
Caleys. And also the same yere, the xxi day of June, was the Duke
of Glowcester, the Erle of Arondell, the Erle of Warwyke, the
Lord Cobham, Sir Thomas of Arondell, the Exchebysshoppe of
Caunterburye were a rested, and the Duke of Glowcester was sent
to Caleys and ther mortherd, and the Erle of Arondell behedid at
the Toure Hill on Seint Matheus Eye. And the Erle of Warwyke, the Erle of Arondell, the Lord Cobham, and Sir John
Cheyne, were dampned to perpetuall prison.
|Richard Wytington, Maire||William Ascame||A° xxje|
This yere the kynge made v Dukes and a Markes and iiij Erlys.
Fyrst was the Erle of Derby was made Duke of Hereforde, and the
Erle of Rutlonde Duke of Arondell, and the Erle of Kent Duke of
Surre, the Erle of Hontyngdon Duke of Excester, and the Erle
Marchall Duke of Northefolke, the Erle of Somersed Markes of
Dorsett, and the Lord Spencer Erle of Glowceter, the Lord Nevell
Erle of Westmerlond, Sir Thomas Percy Erle of Worseter, and Sir
William Scroope Erle of Wilshire.
|Drew Baryngtyn, Mayre||John Wade||A° xxije|
This yere dyed the Duke of Lancaster and is buryed at Seint
Poules in London. Also the Friday after Seint Peter and Poule
the Duke of Lancaster after his fader disses came in to Englonde,
with him his sonne Thomas Arondell that was Erchebysshoppe of
Caunterbury, and they londed in the northe contre at a place called
Ravenspore, to whom came in haste the Erle of Northehomberlonde
and his sonne Sir Harry Percy, and many other lordis with grete
power, and thei went to Brystowe wher thei fonde Sir William
Scrope, Tresourer of Engelonde, and Sir John Busshe, and Sir
John Grene, and all were be heded. And in þe monthe of Septembre
the kynge resseyved his dignite in Toure of London.